சொன்னதை செய்வாரா முதல்வர்- காத்திருக்கும் மருத்துவர்கள்அரசு மருத்துவர்களுக்கான சட்டப்போராட்டக் குழு (LCC)துறை மானியக் கோரிக்கையின் போது அரசு மருத்துவர்களின் ஊதியக் கோரிக்கையை நிறைவேற்றாதது மிகப்பெரிய ஏமாற்றமளிக்கிறது மே 2 ம் தேதியன்று நடைபெறும் தமிழக அமைச்சரவைக் கூட்டத்தில் அரசாணை 354 ஐ அமுல்படுத்தும் அறிவிப்பை வெளியிட, தமிழக முதல்வருக்கு அரசு மருத்துவர்கள் வேண்டுகோள்:1) கடந்த 18 ம் தேதி நடந்த மக்கள் நல்வாழ்வுத்துறை மானியக் கோரிக்கையின் போது, அரசு மருத்துவர்களின் ஊதியக் கோரிக்கையை நிறைவேற்றும் அறிவிப்பை வெளியிடுவார்கள் என மிகுந்த ஏக்கத்துடன் எதிர்பார்த்தோம். இருந்த போதும் கோரிக்கையை அரசு நிறைவேற்றாதது, ஒவ்வொரு மருத்துவருக்கும் மிகுந்த ஏமாற்றத்தையும், வலியையும், வேதனையையும் ஏற்படுத்தி உள்ளது.2) திராவிட மாடல் அரசு மற்ற மாநிலங்களுக்கு முன்மாதிரியாக திகழ்கிறது என முதல்வர் பெருமையாக தெரிவிக்கிறார்கள். ஆனால் உண்மையில் தமிழகத்தில் மட்டுமே ஊதியக் கோரிக்கைக்காக அரசு மருத்துவர்கள் தொடர்ந்து போராட வேண்டிய நிலைக்கு தள்ளப்பட்டுள்ளோம்.3) கலைஞர் வழியில் நடைபெறும் அரசு என பெருமையாக குறிப்பிடுகிறார்கள். இருப்பினும் கலைஞர் ஆணையை அமுல்படுத்த மறுப்பதோடு, அதற்காக போராடும் மருத்துவர்களுக்கு 17 பி குற்றக் குறிப்பாணை வழங்கி பழி வாங்கும் நடவடிக்கை எடுக்கப்பட்டதை யாருமே எதிர்பார்க்கவில்லை.4) நாட்டிலேயே ஊதியக் கோரிக்கைக்காக மருத்துவர் ஒருவர் உயிரையே கொடுத்த பிறகும் அரசாங்கத்தின் மனசாட்யை தடடி எழுப்ப முடியவில்லை என்பது தான் வருத்தமான உண்மை.5) தமிழ்நாட்டு மக்கள் ஒவ்வொருவருக்கும் ஏதாவது ஒரு வகையில் தமிழ்நாடு அரசு நன்மை செய்து கொண்டிருக்கிறது என சட்டசபையில் முதல்வர் தெரிவித்துள்ளார். ஆனால் கொரோனா பேரிடரில், தங்கள் உயிரை பணயம் வைத்து பணியாற்றிய அரசு மருத்துவர்களின் மீது இன்று வரை முதல்வரின் பார்வை விழவில்லை என்பது தான் வேதனையாக உள்ளது.6) எனவே வருகின்ற மே 2 ம் தேதி நடைபெறும் தமிழக அமைச்சரவை கூட்டத்தில், தமிழக முதல்வர் அவர்கள் தன் தந்தை வெளியிட்ட அரசாணை 354 ன் படி அரசு மருத்துவர்களுக்கு, 12 ஆண்டுகளில் ஊதியப்பட்டை நான்கு வழங்கப்படும் என்ற அறிவிப்பை வெளியிட வேண்டுகிறோம்.