வாய்க்கு வந்தததை திமுக அமைச்சர்கள் பேசுகின்றனர்-சுதாகர் ரெட்டி
1032 views
Subscribe வேலூர் videosஅதிமுக பாஜகவின் கூட்டணியில் உள்ளது-காங்கிரஸ் மற்றும் திமுக உள்ளிட்ட கட்சிகள் குடும்பம் ஆளும் கட்சியாக உள்ளது-திமுகவினர் குடும்பத்தை முதுமையாக கருதி பொதுமக்களின் நலன்களை பின்னுக்கு தள்ளி ஆட்சி நடத்தி வருகிறார்கள்-பாஜக தேசிய இணை பொறுப்பாளர் சுதாகர் ரெட்டி பேட்டி.திருவண்ணாமலை தெற்கு மாவட்ட பாஜகவின் சார்பில் வலிமையான பூத்திற்க்கான பொறுப்பாளர்கள், மாவட்ட நிர்வாகிகள், மண்டல் தலைவர்கள், மண்டலுக்கான சக்தி கேந்திர பொறுப்பாளர்கள், அணி பிரிவின் மாவட்ட தலைவர்களுக்கான ஆய்வுக்கூட்டம் நடைபெற்றது.இதில் 300-க்கும் மேற்பட்ட பாஜக நிர்வாகிகள் கலந்து கொண்ட ஆய்வுக் கூட்டத்திற்கு சிறப்பு அழைப்பாளராக பாஜக தேசிய இணை பொறுப்பாளர் சுதாகர் ரெட்டி கலந்து கொண்டு பூத் கமிட்டி உறுப்பினர்களை ஆய்வு செய்தார்.முன்னதாக திருவண்ணாமலை அருள்மிகு அருணாச்சலேஸ்வரர் திருக்கோயிலில் பிரதமர் மோடியின் நல்லாட்சி தொடரவும், நாட்டு மக்கள் நலமுடன் வாழ வேண்டும் என்பதற்காகவும் 1008 சங்காபிஷேக பூஜை தேசிய இணை பொறுப்பாளர் சுதாகர் ரெட்டி ஏற்பாட்டில் நடத்தப்பட்டது.பின்னர் பாஜக தேசிய இணை பொறுப்பாளர் சுதாகர் ரெட்டி செய்தியாளர்களை சந்தித்தார்.திருவண்ணாமலை தெற்கு மாவட்டம் பாஜக நிர்வாகிகள் கட்சி சார்பில் வலிமையான பூத் அமைப்பது குறித்த ஆய்வுக் கூட்டம் நடைபெற்றது. கட்சியின் கட்டமைப்பை வலுப்படுத்த கட்சி நிர்வாகிகளிடையே நடைபெற்ற இந்த ஆய்வுக் கூட்டம் திருப்திகரமாக அமைந்திருந்தது என்று சுதாகர் ரெட்டி தெரிவித்தார்.இலவச கேஸ், முத்ரா வங்கி கடன் உள்ளிட்ட பல்வேறு திட்டங்கள் மூலம் தமிழகத்தில் ஏராளமான பயனாளிகள் மத்திய அரசு திட்டங்களால் பலன் அடைந்துள்ளனர். மத்திய அரசின் சாதனைகளை பொதுமக்களிடம் எடுத்துரைக்க வேண்டிய பணிகளும் நடைபெற்று வருகிறது என்றும் அமெரிக்கா பிரிட்டன் உள்ளிட்ட பல்வேறு நாடுகளில் நிலையற்ற பொருளாதார தன்மை உள்ள நிலையில் பாரத பிரதமர் நரேந்திர மோடி தலைமையில் இந்தியா மிகச்சிறந்த ஸ்திறமான பொருளாதார வளர்ச்சியை எட்டியுள்ளது என்றும் தெரிவித்தார்.தமிழகத்தில் திராவிட மாடல் ஆட்சி நடைபெறுவதாக முதலமைச்சர் கூறுகிறார் ஆனால் மந்திரி ஒருவர் பெண்களை கொச்சைப்படுத்தும் விதமாக ஓசி பஸ் பயணம் என்று பேசுகிறார். திமுக கட்சியில் உள்ள நபர்கள் கட்டப்பஞ்சாயத்து உள்ளிட்ட சமூக விரோதி செயல்களில் ஈடுபட்டு தவறான முறையில் பேசி வருகின்றனர்.திமுகவினர் குடும்பத்தை முதன்மையாக கருதி பொதுமக்களின் நலன்களை பின்னுக்கு தள்ளி ஆட்சியை நடத்தி வருகிறார்கள் என்றும் காங்கிரஸ், திமுக உள்ளிட்ட கட்சிகள் குடும்பம் ஆளும் கட்சிகளாக உள்ளது. பாரதிய ஜனதா கட்சி பொருத்தவரை நாடுதான் முக்கியம் என்று செயல்பட்டு வருகிறது.இல்லம் செல்வோம் உள்ளம் வெல்வோம் நிகழ்ச்சிகள், மத்திய அரசின் நல்லாட்சி சாதனைகள் மூலம் தமிழக மக்களின் உள்ளங்களை வெல்வோம் என்றும் சுதாகர் ரெட்டி தெரிவித்தார்.பெரும்பான்மையான பொது மக்களின் நலனுக்கு ஏற்ப நிதின் கட்கரி டோல்கேட்கள் குறித்து தெரிவித்த கருத்துக்கள் குறித்து ஆலோசித்து முடிவெடுக்கப்படும் என்றும்,இந்திய வரலாற்றில் எப்போதும் இல்லாத வகையில் 9.5 கோடி இலவச கேஸ் சிலிண்டர் பயனாளிகளுக்கு வழங்கப்பட்டிருக்கிறது.அதிமுக பாஜகவின் கூட்டணியில் உள்ளது. கட்சியின் மத்திய தலைமை கூட்டணி குறித்து உறுதியான முடிவை இறுதியில் எடுக்கும் சுதாகர் ரெட்டி தெரிவித்தார்.நீதிமன்றத்தின் தீர்ப்பு மற்றும் சட்டத்தின் அடிப்படையிலேயே திருவண்ணாமலை அண்ணாமலையார் திருக்கோயில் புனிதத் தன்மை மாறாத வகையில் அம்மணி அம்மன் மடம் மற்றும் ஆக்கிரமிப்புகள் குறித்த நடவடிக்கைகள் இருக்க வேண்டும் என்று தமிழக அரசுக்கு நாங்கள் வேண்டுகோள் வைக்கிறோம் சுதாகர் ரெட்டி தெரிவித்தார்.
Related Videos
தடை அதை உடை..! டிராக்டர் ஓட்டும் பட்டதாரி பெண்!வேலூர்
பட்டியலிட்டு பேசி அதிரடி காட்டிய அமைச்சர் எ.வ.வேலு!வேலூர்
விறுவிறுப்பாக நடைபெறும் திட்டமிடும் குழு தேர்தல்!வேலூர்
நடிகர் விஜய் பிறந்தநாள்:இன்று பிறந்த குழந்தைகளுக்கு தங்க மோதிரம் வழங்கிய விஜய் மக்கள்!வேலூர்
தேசிய நெடுஞ்சாலை மேம்பால பணிகளை மத்திய அமைச்சர் வி.கே சிங் பார்வையிட்டார் !வேலூர்
இருசக்கர வாகன திருட்டில் ஈடுபட்ட வாலிபர் கைது- 15 இருசக்கர வாகனம் பறிமுதல்வேலூர்
டாஸ்மாக் கடை உள்ளிட்ட நான்கு இடங்களில் கொள்ளை முயற்சிவேலூர்
திருவண்ணாமலை விவசாயிகள் குறை தீர்வு கூட்டத்தில் போராட்டம்!வேலூர்
ராணிப்பேட்டை:பள்ளிகள் திறப்பு;பாட புத்தகங்களை பார்த்து ரசித்து உற்சாகத்தை வெளிப்படுத்திய மாணவர்கள்!வேலூர்
காஷ்மீரில் தேசிய அளவில் விளையாட்டு போட்டி!வேலூர்
காஷ்மீரில் மண்டியிட்டு கெஞ்சிய ராணுவ வீரரின் சதி திட்டம் ;வெளியான பகீர் ஆடியோ!வேலூர்