வசமாக மாட்டிக் கொண்ட ரேஷன் கடை பெண் ஊழியர்!திருப்பூர் மாநகரத்தில் 1150 ரேஷன் கடைகள் உள்ளன, நியாயவிலைக் கடைகளில் பெரும்பாலானோர் ஏழை எளிய மக்களே பொருட்களை வாங்கி பயன்பெற்று வருகின்றனர்.இந்நிலையில் திருப்பூர் மாநகரத்திற்கு உட்பட்ட விஜயாபுரம் பொன் முத்து நகர் பகுதியில் இயங்கி வரும் அரசு நியாய விலைக் கடையில் பொது விநியோகத் திட்டத்தின் கீழ் துவரம் பருப்பு, சர்க்கரை,அரிசி உள்ளிட்ட பொருட்கள் வழங்கப்பட்ட வருகின்றன.பொதுமக்களுக்கு வழங்கப்படும் பொருட்களில் சில நேரங்களில் தரம் அற்ற பொருட்கள் வழங்கப்பட்டு வருகின்றது இருந்தாலும் இதனை எல்லாம் பொருட்படுத்தாமல் பொதுமக்கள் வாங்கி பயன்பெற்று பொதுமக்களுக்கு வழங்கப்படும் பொருட்களில் தரத்தில்தான் நியாயம் இல்லை என்றாலும் அளவிலும் கூட ஆட்டையை போடுபவர்களாக நியாய விலை கடையில் பணியாற்றுபவர்கள் செயல்பட்டு வருகின்றனர். இந்த நிலையில் பொதுமக்களிடம் ஏமாற்றும் நோக்கில் தராசை அளவில் பொதுமக்கள் வாங்கும் துவரம் பருப்பின் அளவை சரியாக காட்டுவது போல் காண்பித்து விட்டு ஒரு நபரிடம் கால் கிலோ அளவிற்கு துவரம் பருப்பை திருடியதை கையும் களவுமாக பிடித்து வீடியோ பதிவு செய்து அதனை பாதிக்கப்பட்ட நபர் தற்போது சமூக வலைதளங்களில் பதிவிட்டுள்ளார் இந்த காட்சிகள் வேகமாக வைரலாகி வருகிறது.ரேஷன் கடையில் பருப்பு வாங்கி பாதிக்கப்பட்ட நபர் ரேஷன் கடை ஊழியரிடம் மீண்டும் தான் வாங்கிய பொருளை கொடுத்து தராசில் வைத்து எவ்வளவு இருக்கிறது என கேள்வி கேட்கும் போது,ரேஷன் கடை ஊழியர் திரு திரு எனை முழித்து திருட்டுத்தனம் செய்த காட்சி வீடியோவில் தெளிவாக பதிவாகியுள்ளது, அருகில் உள்ள மூட்டையில் இருந்து பருப்பை அள்ளி தராசில் கொட்டிவிட்டு அதற்கு பிறகு கேள்வி கேட்ட நபர் கொடுத்த பையில் இருந்த பருப்பை கொட்டுவது தெளிவாக தெரிகிறது.பொதுமக்களின் வரிப்பணத்தில் தான் சம்பளம் வாங்குகிறோம் என்ற எண்ணத்தை மனதில் விதைக்க வேண்டும் அதேபோல நாமும் 60 வயதை கடந்தால் சக மனிதராக மட்டுமே கருதப்படுவார்கள் என்ற எண்ணம் இருந்தால் மட்டுமே இது போன்ற நிலைகளில் இருந்து பாதுகாக்க முடியும் என்பதை மனதில் வைத்து ஒவ்வொரு அரசு துறையில் பணியாளர்களும் பணியாற்ற வேண்டுமென பொதுமக்கள் மத்தியில் கோரிக்கையாக வைக்கப்பட்டு வருகிறது.