ஸ்டெர்லைட் சம்பவத்தை மறைக்க எடப்பாடி நடத்திய பேரணிதூத்துக்குடி எம்பி கனிமொழி ஸ்டெர்லைட் ஆலை துப்பாக்கி சூட்டில் காரணமானவர் மீது நடவடிக்கை எடுப்பதாக சொல்லி இருக்கிறார்கள். முதலில் வழக்கை பதிவு செய்துவிட்டு நடவடிக்கை எடுக்க வேண்டும் என்று மே 17 இயக்க ஒருக்கினைப்பாளர் திருமுருகன் காந்தி பேட்டி!.கடந்த 2018 ஆம் ஆண்டு மே 22 ஆம் தேதி ஸ்டெர்லைட் ஆலைக்கு எதிராக போராடிய பொதுமக்கள் மீது காவல்துறையினர் துப்பாக்கி சூடு நடத்தினர். இதில், 13 பேர் உயிரிழந்தனர். நூற்றுக்கு மேற்பட்டோர் காயம் அடைந்தனர். துப்பாக்கிச் சூட்டில் பலியானவர்களுக்கு அஞ்சலி செலுத்தும் 5ம் ஆண்டு நினைவு தினம் பல்வேறு இடங்களில் அனுசரிக்கப்பட்டது.அதனடிப்படையில், தூத்துக்குடி எட்டயபுரம் ரோட்டில் உள்ள தனியார் திருமண மண்டபத்தில் அஞ்சலி செலுத்தும் நிகழ்வானது, ஸ்டெர்லைட் எதிர்ப்பு மக்கள் இயக்க ஒருங்கிணைப்பாளர் பேராசிரியை பாத்திமா பாபு தலைமையில், வணிகர் சங்க தலைவர் விநாயகமூர்த்தி, வழக்கறிஞர் அதிசயகுமார் ஆகியோர் முன்னிலையில், நடைபெற்ற இந்த நிகழ்வில், சிறப்பு அழைப்பாளராக, மக்கள் கண்காணிப்பகம் நிர்வாக இயக்குநர் ஹென்றி டிஃபேன் மற்றும் மே 17 இயக்க ஒருக்கிணைப்பாளர் திருமுருகன் காந்தி ஆகியோர் கலந்து கொண்டனர். முன்னதாக, துப்பாக்கி சூட்டில் உயிரிழந்தவர்களுக்கு மெழுகுவர்த்தி ஏந்தி அஞ்சலி செலுத்தினர். பின்னர், தீர்மானங்களான, தமிழக அரசு ஸ்டெர்லைட்டை எந்த ஒரு சூழலிலும் இயங்க அனுமதிக்க கூடாது. தமிழக அரசு நியமித்த ஒரு நபர் ஆணையமான ஓய்வு பெற்ற நீதி அரசர் அருணா ஜெகதீசன் அறிக்கையின் பரிந்துரைப்படி மே 22 2018 இல் நடந்த தூத்துக்குடி துப்பாக்கி சூட்டிற்கு காரணமான வருவாய் அதிகாரிகள் மற்றும் காவல் துறை அதிகாரிகள் மீது கொலை வழக்கு பதிவு செய்து நடவடிக்கை எடுக்க வேண்டும். தூத்துக்குடி துப்பாக்கி சூட்டில் உயிர் தியாகம் செய்த தியாகிகளுக்கு நினைவு சின்னம் அமைக்க வேண்டும். தூத்துக்குடி மக்கள் வளர்ச்சிக்கு எதிரானவர்கள் அல்ல என்பதை உணர்ந்து தூத்துக்குடி மண்ணில் இந்த மண்ணையும், மக்களையும் சுற்றுச்சூழலையும் பாதிக்காத தொழிற்சாலைகளுக்கு மட்டுமே அனுமதி வழங்க வேண்டும் போன்ற தீர்மானம் இயற்றப்பட்டது.அதன் பின் செய்தியாளர்களை சந்தித்த மே 17 இயக்க ஒருங்கிணைப்பாளர் திருமுருகன் காந்தி செய்தியாளர்களிடம் கூறுகையில், ஸ்டெர்லைட் படுகொலை நடந்து 5 ஆண்டுகள் ஆகின்றது. நீதியரசர் அருணா ஜெகதீசன் அறிக்கையின்படி, அதிகாரிகள் இந்த படுகொலை நடத்தி இருக்கிறார்கள் என்று ஆதராபூர்வமாக அம்பலப்படுத்தி இருக்கிறார்கள். திமுக அரசு உடனடியாக இவர் மீது நடவடிக்கை எடுக்க வேண்டும் இல்லையென்றால் குற்றம் தொடர்ச்சியாக மேலும் நடக்கும் வாய்ப்பு உருவாகும். பாராளுமன்ற உறுப்பினர் கனிமொழி இது குறித்தான நடவடிக்கை எடுப்பதாக சொல்லி இருக்கிறார்கள். அது வழக்கை பதிவு செய்துவிட்டு நடவடிக்கை எடுக்க வேண்டும் என்றார் . ஹென்றி டிஃபேன் கூறுகையில், 5ம்ஆண்டு நினைவு தினத்தை முன்னிட்டு, தூத்துக்குடியில் சுமார் 2,200 க்கு மேற்பட்ட காவல்துறையினர் அழைத்து மக்கள் கூடுதலை குறைப்பதற்கு முயற்சி செய்தார்கள் என்ற ஆழ்ந்த வருத்தம் உள்ளது. தூத்துக்குடி மக்களின் மாண்பிற்கு எதிரான ஒரு செயல், எந்த மக்களும் வன்முறையில் ஈடுபடவில்லை, வன்முறைகள் சம்பந்தமில்லை என்று ஒரு நபர் கமிஷனர் அறிக்கை வந்த பின்பும் அதற்கு முரணாக நடக்கக்கூடிய காவல்துறையாக பார்த்தோம். கள்ளச்சாராயத்தில் வேகமாக கைது செய்தார்கள் என்பது ஆட்சிக்கு பிரச்சனை ஏற்படும் என்ற காரணத்தால், இதில் திமுகவிற்கு எந்த ஒரு பயம் இல்லை என்ற நிலை வந்து விட்டது. பல்வீர்சிங்கை பிடிப்பது கூட தைரியம் இல்லை. கண்டிப்பாக காவல்துறை மத்தியிலுள்ள உயர் காவல் துறை அதிகாரிகள் சிலர் முதலமைச்சரை கையில் வைத்துக்கொண்டு அதைத் தாண்டி செயல்படாமல் இருப்பதற்கு முயற்சி செய்கிறார்கள் என்பது தான் அம்பலமாக தெரிகிற ஒன்று ஒரு விஷயம் என்றார்.