"ஆளுநரை மக்கள் விரட்டியடிப்பார்கள்" கனிமொழி எம்பி விளாசல்!திராவிட ஆட்சி. ஆளுநர் பதவி ஒரு அலங்காரப் பதவி அதற்கு அவ்வளவு மரியாதை கொடுக்க வேண்டாம்-தூத்துக்குடி நாடாளுமன்ற உறுப்பினர் கனிமொழி காட்டம்!.திராவிட மாடல் அரசின் 2 ஆண்டு சாதனை விளக்க பொது கூட்டம் தூத்துக்குடி, அண்ணாநகரில் நடைபெற்றது. திமுக வடக்கு மாவட்ட செயலாளரும், சமூக நலத்துறை அமைச்சருமான கீதாஜீவன் தலைமையில், நடைபெற்ற கூட்டத்தில், சிறப்பு அழைப்பாளராக திமுக துணை பொது செயலாளரும், தூத்துக்குடி நாடாளுமன்ற உறுப்பினருமான கனிமொழி கலந்து கொண்டு சிறப்புரையாற்றினார்.கூட்டத்தில், சமூக நலத்துறை அமைச்சர் கீதாஜீவன் பேசுகையில், திராவிட மாடல் என்பது சமத்துவம், சமதர்மம், சமூகநீதி, சுயமரியாதை, சம வாய்ப்பு என்ற உயர்ந்த கொள்கையோடு இந்த திராவிட மாடல் ஆட்சி என்ற கொள்கையை தத்துவத்தைக் கொண்டு முதலமைச்சர் ஆட்சி புரிந்து வருகிறார்கள். தந்தை பெரியார், பேரறிஞர் அண்ணா, முத்தமிழ் அறிஞர் கலைஞர் காட்டிய வழியில் முதலமைச்சர் இந்த ஆட்சி நடத்தி வருகிறார். எல்லோக்கும் எல்லாம் கிடைக்க வேண்டும், அனைவருக்கும் வாய்ப்பு வழங்க வேண்டும் என்ற உன்னத நோக்கத்தோடு தான் திராவிட மாடல் ஆட்சி நடந்து வருகிறது. இரண்டு ஆண்டுகளில் ஒரே ஒரு உதாரணம் எண்ணவென்றால் இருளர், நரிக்குறவ மக்கள் வாக்காளர் அடையாள அட்டை வழங்கியது திராவிட மாடல் ஆட்சி, இருளர், நரிக்குறவர் மக்களுக்கு பழங்குடி பட்டியல் சேர்க்க ஒன்றிய அரசுக்கு பரிந்துரை செய்து நீக்கி பழங்குடி மக்கள் சேர்க்கப்பட்டுள்ளதாக கூறினார்.பின்னர் கனிமொழி எம்பி பேசுகையில், ஒவ்வொரு நாளும் புதிய, புதிய திட்டங்களை கொடுத்துக் கொண்டிருக்க கூடிய ஆட்சி திமுக ஆட்சி. மீனவர்களுக்கு தடை காலத்தில் வழங்கக்கூடிய நிவாரண உதவியை 6 ஆயிரம் ரூபாயாக உயர்த்தி வழங்கியது இந்த அரசு, நெய்தல் நிலங்களை பாதுகாக்க 2ஆயிரம் கோடி ரூபாய் இந்த ஆட்சியில் ஒதுக்கீடு செய்யப்பட்டுள்ளது. தூத்துக்குடியில், குருஸ்பார்னான்த்துக்கு மணிமண்டபம் கட்ட நிதி ஒதுக்கீடு செய்யப்பட்டுள்ளது. உப்பள தொழிலாளர்களுக்கு நலவாரியம் அமைத்துக் கொடுக்கப்பட்டுள்ளது. திராவிட ஆட்சி. ஆளுநர் பதவி ஒரு அலங்காரப் பதவி அதற்கு அவ்வளவு மரியாதை கொடுக்க வேண்டாம் என்று டாக்டர் அம்பேத்கர் கூறியுள்ளார். அவசியம் இல்லை அலங்காரம் களையப்படும் தூக்கி எறியப்படும் என்று பேசினார்.இந்த கூட்டத்தில், மேயர் ஜெகன் பெரியசாமி, மாநகர செயலாளர் ஆனந்த சேகரன் மற்றும் கட்சி நிர்வாகிகள் பெண்கள் உட்பட 250க்கும் மேற்பட்டோர் கலந்து கொண்டனர்.