மே 18ந்தேதி அகில இந்திய ஹாக்கிப் போட்டி தொடக்கம்!
1053 views
Subscribe தூத்துக்குடி videosதூத்துக்குடி மாவட்டம் கோவில்பட்டியில் கே.ஆர்.மருத்துவம் மற்றும் கல்வி அறக்கட்டளையின் சார்பில், கே.ஆர்.கல்வி நிறுவனங்கள், இலட்சுமி அம்மாள் ஸ்போர்ட்ஸ் அகாடமியுடன் இணைந்து இலட்சுமி அம்மாள் நினைவு கோப்பைக்கான அகில இந்திய ஹாக்கிப் போட்டிகள் கடந்த பதினொரு ஆண்டுகளாக சிறப்பாக நடைபெற்று வருகிறது. இந்த ஆண்டும் அதே போல இலட்சுமி அம்மாள் நினைவு கோப்பை பன்னிரெண்டாவது அகில இந்திய ஹாக்கிப் போட்டிகள் புது டெல்லி, ஹாக்கி இந்தியாவின் அனுமதியுடன் வருகின்ற மே 18ம் தேதி முதல் மே 28ம் தேதி வரை கோவில்பட்டி கிருஷ்ணா நகரில் உள்ள செயற்கை புல்வெளி மைதானத்தில் பகல் இரவு ஆட்டமாக மின்னொளியில் நடைபெற உள்ளது. இப்போட்டியின் துவக்க விழா மே 18ம் தேதி மாலை 05.00 மணி அளவில் நடைபெற உள்ளது. இதில் டில்லி, கர்நாடகா மற்றும் தமிழ்நாடு உட்பட இந்தியாவின் பல்வேறு மாநிலங்களை சேர்ந்த புகழ்பெற்ற ஹாக்கி அணிகள் கலந்து கொள்ள உள்ளன. சவுத் சென்ட்ரல் ரயில்வே - செகந்திராபாத், யூனியன் பேங்க் - மும்பை, ஈஸ்ட் கோஸ்ட் ரயில்வே - புவனேஷ்வர், கனரா பேங்க் - பெங்களூரு, இந்தியன் பேங்க் - சென்னை, சிஏஜி – புதுடெல்லி மற்றும் எஸ்டிஏடி எக்ஸலன்ஸ் - கோவில்பட்டி உட்பட 16 சிறந்த அணிகள் தேர்வு செய்யப்பட்டு விளையாட உள்ளன. இப்போட்டிகள் கால் இறுதி ஆட்டம் வரையில் லீக் முறையிலும், கால் இறுதி, அரை இறுதி மற்றும் இறுதி போட்டிகள் அனைத்தும் நாக் அவுட் முறையிலும் நடைபெறுகிறது.போட்டிகளில் முதலிடம் பெறும் அணிக்கு ரூபாய் ஒரு இலட்சமும், இரண்டாவது இடம் பெறும் அணிக்கு எழுபத்து ஐந்தாயிரமும், மூன்றாவது இடம் பெறும் அணிக்கு ஐம்பதாயிரமும், நான்காவது இடம் பெறும் அணிக்கு முப்பதாயிரமும் இலட்சுமி அம்மாள் நினைவு சுழற்கோப்பையுடன் வழங்கப்பட உள்ளது. மேலும் கால் இறுதி சுற்றுக்கு தகுதி பெறும் நான்கு அணிகளுக்கு ஆறுதல் பரிசாக ரூபாய் இருபதாயிரம் வீதம் வழங்கப்பட உள்ளது. நடுவர்களால் தேர்வு செய்யப்படும் சிறந்த முன்கள ஆட்டக்காரர், பின்கள ஆட்டக்காரர், நடுகள ஆட்டக்காரர் மற்றும் சிறந்த தடுப்பாளர் விருதுகள் தனி நபர்களுக்கு வழங்கப்பட உள்ளன.இப்போட்டிக்கான அனைத்து சிறப்பு ஏற்பாடுகளையும் கே.ஆர்.கல்வி நிறுவனங்களின் துணைத் தலைவர் கே.ஆர்.கிருஷ்ணமூர்த்தி மற்றும் தாளாளர் கே.ஆர்.அருணாசலம் ஆகியோர்களின் வழிகாட்டுதலின்படி நேஷனல் பொறியியல் கல்லூரி இயக்குநர் முனைவர் எஸ்.சண்முகவேல் தலைமையில் நேஷனல் பொறியியல் கல்லூரியின் முதல்வர் முனைவர் கே.காளிதாஸ முருகவேல், கே.ஆர்.கலை மற்றும் அறிவியல் கல்லூரி முதல்வர் முனைவர் எஸ்.மதிவண்ணன், இலட்சுமி அம்மாள் பாலிடெக்னிக் கல்லூரி முதல்வர் பேராசிரியர் எ.ராஜேஸ்வரன், கே.ஆர்.கல்வி நிறுவனங்களின் உடற்கல்வி இயக்குநர்கள், ஹாக்கி பயிற்சியாளர்கள், அனைத்து துறைப் பேராசிரியர்கள் மற்றும் அலுவலர்கள் சிறப்பாகச் செய்து வருகின்றனர்.
Related Videos
105வது பிறந்தநாள்..பாட்டியிடம் ஆசிர்வாதம் வாங்கிய 5 தலைமுறைகள்!தூத்துக்குடி
கிணற்றில் விழுந்த நரியை உயிருடன் மீட்ட தீயணைப்பு வீரர்கள்தூத்துக்குடி
காவலர்களுக்கான உடல் திறனாய்வு தேர்வுதூத்துக்குடி
நந்தி பகவானுக்கு சிறப்பு அபிஷேகங்கள்தூத்துக்குடி
மலர்களால் அலங்கரிக்கப்பட்ட சப்பரத்தில் அம்மன் வீதி உலாதூத்துக்குடி
முஸ்லிம்களுக்கு 5% இட ஒதுக்கீடு வழங்க வேண்டும்தூத்துக்குடி
சிறுமிக்கு பாலியல் தொந்தரவு அளித்த ஆசிரியர் போக்சோ சட்டத்தில் கைதுதூத்துக்குடி
விமர்சையாக நடைபெற்ற சப்பர பவனி விழாதூத்துக்குடி
இலவச கண் மற்றும் பொது மருத்துவ பரிசோதனை முகாம்தூத்துக்குடி
மூடநம்பிக்கைகளை ஒழிக்க அறிவியல் இயக்க மாநாடுதூத்துக்குடி
காவல் கண்காணிப்பாளர் காவல் நிலையங்களில் ஆய்வுதூத்துக்குடி