நீதிமன்றத்துக்கு மனைவியை கார் ஏற்றி கொல்ல முயன்ற கணவர்:சிசிடிவி காட்சிகள்
1053 views
Subscribe தேனி videosதேனி மாவட்டம் தேவாரம் பகுதியில் வசித்து வரும் ரமேஷ் மணிமாலா தம்பதியினர் இடையே நிலவி வந்த கருத்து வேறுபாடு காரணமாக இருவரும் பிரிந்து வாழ்கின்றனர். இவர்களுக்கிடையான விவாகரத்து தொடரப்பட்டு இருவருக்கும் இடையே விவாகரத்து வழங்கப்பட்டது இந்த விவாகரத்து வழக்கில் மணிமாலா தனது கணவர் ரமேஷிடம் ஜீவனாம்சம் கேட்டு நீதிமன்றத்தில் முறையீடு செய்துள்ளார். இந்நிலையில் இன்று அந்த வழக்கு தொடர்பாக போடி நீதிமன்றத்தில் ஆஜரான மணிமாலா சுமார் இரண்டு மணி அளவில் நீதிமன்றத்தில் இருந்து போடி பேருந்து நிலையத்திற்கு நடந்து சென்று கொண்டிருந்த பொழுது நீதிமன்ற வளாகம் அருகே நிறுத்தி வைக்கப்பட்டிருந்த டவேரா கார் ஒன்று அதிவேகமாக விரைந்து வந்து நடந்து கொண்டிருந்த மணிமாலாவின் மீதுபலமாக மோதியது. இதில் முன் பகுதி சக்கரத்தின் இடையே சிக்கிக்கொண்ட மணிமாலா பலத்த காயமடைந்தார். நீதிமன்ற வளாகம் முன்பு நின்று கொண்டிருந்த பொதுமக்கள் இந்த அதிர்ச்சியான சம்பவத்தை கண்டு உடனடியாக டவேரா கார் ஓட்டி வந்த டிரைவர் பாண்டித்துரையை பிடித்து காவல்துறை வசம் ஒப்படைத்தனர். பலத்த காயம் அடைந்த மணிமாலாவை சிகிச்சைக்காக தேனி அரசு மருத்துவக் கல்லூரி மருத்துவமனைக்கு அனுப்பி வைத்தனர்.மேலும் இந்த கொலை முயற்சி தொடர்பாக மணிமாலாவின் கணவர் ரமேஷை போடி டிஎஸ்பி பெரியசாமி தலைமையிலான காவல் சிறப்புப்படை அமைத்து தேடி வந்தனர். விபத்து நடந்த சுமார் 2 மணி நேரத்திலேயே போலீசார் தீவிர விசாரணை செய்து மணிமாலாவின் கணவர் ரமேஷ் இருக்கும் இடத்தை தெரிந்து உடனடியாக ரமேஷை கைது செய்தனர். மணிமாலாவின் மீது கார் ஏற்றி விபத்து ஏற்படுத்திக் கொல்ல முயற்சி செய்த டவேரா காரை கைப்பற்றி போடி நகரகாவல் நிலையம் கொண்டு வந்தனர்.கைது செய்யப்பட்ட ரமேஷ் மற்றும் டிரைவர் பாண்டித்துரை ஆகிய இருவரிடமும் போலீசார் தீவிர விசாரணை மேற்கொண்டு வருகின்றனர்.
Related Videos
அடடா மழைடா...தேனியில் மழை!தேனி
ஆண்டிப்பட்டியில் மூன்று வீட்டில் திருடர்கள் கைவரிசை....தேனி
தேனியில் 3-வது நாளாக பற்றி எரிந்து வரும் காட்டுத் தீ...!தேனி
பொதுக்கழிவு நீர் பாதையை அடைத்த தனிநபர்.. ஆண்டிப்பட்டி மக்கள் அவதி..தேனி
வாக்கை பதிவு செய்த தங்க தமிழ்ச்செல்வன்..தேனி
விவசாய தொழிலாளர் சங்கத்தினர் ஆர்ப்பாட்டம்தேனி
கால்பந்து போட்டியில் வெற்றி பெற்ற தேனி அணிதேனி
நரம்பியல் நோயால் பாதிக்கப்பட்டு தவிக்கும் பெண்தேனி
மனநலத்தை மேம்படுத்தும் யோகா மற்றும் மூச்சுப் பயிற்சி முகாம்தேனி
மின்னொளியில் நடைபெற்ற கூடைப்பந்தாட்ட போட்டிதேனி
கொடுத்த கடனை திருப்பி கேட்ட நபரை கொலை செய்தவருக்கு ஆயுள் தண்டனைதேனி