போலி ஹோமியோபதி டாக்டர் கைது!
1116 views
Subscribe தேனி videosதேனி மாவட்டம், ஆண்டிப்பட்டி அருகே உள்ள அனுப்பப்பட்டி ஊராட்சியில் ரெங்கராம்பட்டி என்ற கிராமம் உள்ளது. சுமார் 300 குடும்பங்கள் வசிக்கும் இந்த கிராமத்தில் கேரளமாநிலத்தை சேர்ந்த பாபு(வயது62) என்ற ஹோமியோபதி மருத்துவர் கடந்த 40 ஆண்டுகளுக்கு முன்பு குடியேறினார். ஹோமியோபதி டாக்டர் அந்த கிராம மக்களுக்கு மிக குறைந்த விலையில் மருத்துவம் பார்த்து வந்துள்ளார். மேலும் அலோபதி மருத்துவமும் சிகிச்சைக்கு பரிந்துரை செய்ததாகவும் கூறப்படுகிறது. ஹோமியோபதி டாக்டரான பாபு, ஆங்கில மருத்துவத்தின் ஊசி, மாத்திரைகளை மக்களுக்கு வழங்கி வருவதாக அதே பகுதியை சேர்ந்த ரகுராம் என்பவர் போலீசில் புகார் கொடுத்தார். இந்த புகாரின் அடிப்படையில் போலீசார் ஹோமியோபதி டாக்டரான பாபுவை கைது செய்து ஆண்டிப்பட்டி போலீஸ் நிலையத்திற்கு அழைத்து வந்தனர். ஹோமியோபதி டாக்டர் பாபு கைது செய்யப்பட்ட தகவல் ரெங்கராம்பட்டி கிராமத்தில் காட்டுத்தீ போல பரவியது. இதனையடுத்து அந்த கிராமத்தை சேர்ந்த ஆண்கள், பெண்கள் என 500க்கும் மேற்பட்டோர் ஆண்டிப்பட்டி போலீஸ் நிலையத்திற்கு வந்தனர். 40 ஆண்டுகளுக்கும் மேலாக தங்களுக்கு மருத்துவசேவை அளித்து வரும் ஹோமியோபதி டாக்டர் பாபுவை விடுவிக்கக் கோரி போலீஸ் நிலையத்தை முற்றுகையிட்டனர். இதுகுறித்து தகவல் கிடைத்தும் ஆண்டிப்பட்டி டி.எஸ்.பி ராமலிங்கம் மக்களிடம் பேச்சுவார்த்தை நடத்தினர். அப்போது ஹோமியோபதி டாக்டர் அளித்த சிகிச்சையால் இதுவரை யாரும் எந்தவிதத்திலும் பாதிக்கப்படவில்லை என்றும், பணம் இல்லாமல் சென்றால் கூட மருத்துவம் பார்த்து வருவதாகவும் எனவே அவரை விடுவிக்க வேண்டும் என்று வாதாடினர். ஒருமணிநேரத்திற்கும் மேலாக மக்கள் போராட்டத்தை கைவிடாத நிலையில், ஹோமியோபதி டாக்டரை போலீசார் விடுவித்தனர். ஹோமியோபதி மருத்துவத்தை தவிர ஆங்கில மருத்துவத்தை மேற்கொள்ளக்கூடாது என்று எச்சரித்து அனுப்பினர். ஹோமியோபதி டாக்டர் பாபு விடுவித்ததும் மக்கள் மகிழ்ச்சியில் கூச்சலிட்டனர். ஹோமியோபதி டாக்டர் கைது செய்யப்பட்டதை கண்டித்து ஒரு கிராமமே போலீஸ் நிலையத்தை முற்றுகையிட்டு போராட்டத்தில் ஈடுபட்ட சம்பவம் ஆண்டிப்பட்டியில் பரபரப்பை ஏற்படுத்தியுள்ளது.
Related Videos
ஆண்டிப்பட்டியில் மூன்று வீட்டில் திருடர்கள் கைவரிசை....தேனி
தேனியில் 3-வது நாளாக பற்றி எரிந்து வரும் காட்டுத் தீ...!தேனி
பொதுக்கழிவு நீர் பாதையை அடைத்த தனிநபர்.. ஆண்டிப்பட்டி மக்கள் அவதி..தேனி
வாக்கை பதிவு செய்த தங்க தமிழ்ச்செல்வன்..தேனி
விவசாய தொழிலாளர் சங்கத்தினர் ஆர்ப்பாட்டம்தேனி
கால்பந்து போட்டியில் வெற்றி பெற்ற தேனி அணிதேனி
நரம்பியல் நோயால் பாதிக்கப்பட்டு தவிக்கும் பெண்தேனி
மனநலத்தை மேம்படுத்தும் யோகா மற்றும் மூச்சுப் பயிற்சி முகாம்தேனி
மின்னொளியில் நடைபெற்ற கூடைப்பந்தாட்ட போட்டிதேனி
கொடுத்த கடனை திருப்பி கேட்ட நபரை கொலை செய்தவருக்கு ஆயுள் தண்டனைதேனி
சாலையில் தேங்கும் நீரால் தொற்றுநோய் பரவும் அபாயம்தேனி