ஆளுநர் ஆதாரம் இல்லாமல் ஏதும் கூற மாட்டார் - ஸ்டெர்லைட் ஆதரவு கூட்டமைப்பினர்மக்களின் வாழ்வாதாரத்தை காக்க ஸ்டெர்லைட் குறித்து ஆளுநர் பேசிய கருத்தை அரசியல் ஆக்க வேண்டாம் என ஸ்டெர்லைட் ஆதரவு கூட்டமைப்பினர் கேட்டு கொண்டுள்ளனர். தூத்துக்குடியில் செயல்பட்டு வந்த ஸ்டெர்லைட் நிறுவனம் கடந்த 2018 ஆம் ஆண்டு நடைபெற்ற போராட்டத்தால் மூடப்பட்டது. இதனை தொடர்ந்து ஸ்டெர்லைட் ஆலையை திறக்க அந்த நிறுவனம் சட்ட போராட்டங்களை நடத்தி வருகிறது. ஆலை மூடப்பட்டதால் வாழ்வாதாரத்தை இழந்துள்ள பொதுமக்கள் போக்குவரத்து தொழிலை சார்ந்தவர்கள் ஏற்றுமதி, இறக்குமதி தொழில் சார்ந்தவர்கள் என பல தரப்பினர் மாவட்ட ஆட்சித் தலைவரிடமும் பல்வேறு மக்கள் பிரதிநிதிகளிடமும் தொடர்ந்து ஸ்டெர்லைட் ஆலையை திறக்க மனு அளித்து வருகின்றனர். உச்சநீதிமன்றத்தில் ஸ்டெர்லைட் ஆலை பராமரிப்புக்காக திறக்க அனுமதி கேட்டு தொடரப்பட்ட வழக்கு கடந்த வாரம் இறுதிக்கட்ட விசாரணை நடைபெற்றது.இந்த நிலையில் நேற்று சென்னையில் ஆளுநர் மாளிகையில் நடைபெற்ற நிகழ்ச்சி ஒன்றில் தமிழக ஆளுநர் ஆர்.என். ரவி பேசுகையில்.. நாட்டின் 40 சதவீத காப்பர் தேவையை பூர்த்தி செய்து வந்த ஸ்டெர்லைட் நிறுவனத்திற்கு எதிராக நடைபெற்ற போராட்டத்திற்கு வெளிநாட்டு சதி தான் காரணம். இந்தப் போராட்டத்திற்காக வெளிநாட்டில் இருந்து நிதி வந்துள்ளது என்று குற்றம் சாட்டினார். இது தமிழகத்தில் மிகப்பெரிய அதிர்வலையை ஏற்படுத்தியது. இந்த நிலையில் இன்று ஸ்டெர்லைட் ஆதரவு கூட்டமைப்பினர்,ஸ்டெர்லைட் ஆதரவு தொண்டு நிறுவனத்தினர், மீனவ பிரதிநிதிகள்,கிராம மக்கள் உள்ளிட்ட கூட்டாக பத்திரிகையாளர்களை சந்தித்தனர். அப்போது ஸ்டெர்லைட் ஆதரவு கூட்டமைப்பு சார்ந்த நான்சி பேசுகையில்.. போராட்டக்காரர்கள் தூத்துக்குடி மக்களை மூளை சலவை செய்து போராட்டத்திற்கு தூண்டியதாக ஆளுநர் கருத்து தெரிவித்துள்ளார். அது உண்மை பொது மக்களை ஆளுநர் குறை கூறியதாக தவறாக திரித்து கூறப்படுகிறது. போராட்டத்திற்கு காரணமாக இருந்த போராட்டக்காரர்கள் மீது மட்டும்தான் ஆளுநர் கூட்டம் சாட்டியுள்ளார். போராட்டக்காரர்கள் வெளிநாட்டு நிறுவனங்களிடம் இருந்து மூன்றரை கோடி ரூபாய் நிதியை பெற்று அதன் மூலமாக வீராங்கனை அமைப்பைச் சார்ந்த பாத்திமா பாபு மூலமாக பொதுமக்களுக்கு பணம் வழங்கப்பட்டு போராட்டம் நடத்தப்பட்டுள்ளது. ஸ்டெர்லைட் எதிராக கூடிய கூட்டம் தன்னிச்சையாக இருந்தது அல்ல மூளை செலவு செய்து கூட்டப்பட்ட கூட்டம் அந்த நேரத்தில் மீன்பிடி தடைகாலம் என்பதால் அதனை போராட்டக்காரர்கள் தங்களுக்கு சாதகமாக பயன்படுத்திக் கொண்டனர். ஸ்டெர்லைட்-ன் மற்றொரு உற்பத்தி அலகு வரக்கூடாது என்பதற்காக நடத்தப்பட்ட போராட்டம் தானே தவிர, தற்போது இயங்கி வரும் ஸ்டெர்லைட் ஆலை செயல்படக் கூடாது என்பதற்காக நடத்தப்பட்ட போராட்டம் இல்லை. எனவே நாட்டின் பொருளாதார வளர்ச்சிக்கு முக்கிய ஆதாரமாக விளங்கிய ஸ்டெர்லைட் நிறுவனம் தென் தமிழக வளர்ச்சியில் முக்கிய பங்காற்றியது. எனவே அனைத்து அரசியல் கட்சிகளும் இந்த பிரச்சனையை அரசியல் ஆக்க வேண்டாம் என்று அவர் கேட்டுக் கொண்டார். தேச வளர்ச்சிக்காக இதனை அரசியல் ஆக்க வேண்டாம். ஸ்டெர்லைட் ஆலை திறப்பதற்கு அனைவரும் உறுதுணையாக இருக்க வேண்டும் என்றும் கேட்டுக் கொண்ட அவர் ஆளுநர் ஆதாரம் இல்லாமல் எந்த குற்றச்சாட்டையும் கூற மாட்டார் எனவே இதனை அரசியல் ஆக்க வேண்டாம் என்று அவர் கேட்டுக் கொண்டார்.இது குறித்து துளசி அறக்கட்டளை நிறுவனர் தனலட்சுமி கூறுகையில்... வெளிநாட்டிலிருந்து நிறைய நிதி பெற்று தான் ஸ்டெர்லைட்க்கு எதிரான போராட்டம் நடத்தப்பட்டது. தூத்துக்குடியை சேர்ந்த 13 அப்பாவி மக்கள் இறந்தார்கள் என்பதனை ஆதாரப்பூர்வமாக சொல்லிக் கொண்டிருக்கிறோம். கடந்த 2003 ஆம் ஆண்டு காங்கிரஸ் கட்சியைச் சார்ந்த எம் பி நாராயணன் பாய் என்பவர் உள்துறை அமைச்சரிடம் கேட்டுக் கொண்டது அதர் என்ஜிஒவுக்கு பணம் வந்ததுக்காக தான் ஸ்டெர்லைட் போராட்டம் நடந்து மக்கள் கொல்லப்பட்டார்களா? என்று அமைச்சரிடம் கேட்ட போது அவர் கூறுகையில், அவர் மூன்று கோடியே 30 லட்சம் ரூபாய் நிதி வந்துள்ளது. இதில் 2 கோடிக்கு செலவு பண்ணுவதாக கணக்கு கொடுத்திருக்கிறார்கள். அந்த கணக்கு கேட்டுருக்கின்றோம். ஸ்டெர்லைட் போராட்டத்திற்கு பயன்படுத்தினார்கள் என்று தெரிந்ததால் அந்த என்ஜிஓ மேல் நடவடிக்கை எடுப்போம் என்று சொல்லி இருக்கிறார்கள். இதை நாங்கள் வரவேற்கிறோம்..தமிழக ஆளுநர் நேற்று கூறுகையில், 40 சதவீதம் காப்பர் தூத்துக்குடியில் உற்பத்தியாகி உள்ளது. அதனை வெளிநாட்டு சதியாளர் ஏற்றுமதி பண்ணிக் கொண்டிருந்த நிறுவனம் இந்தியாவிற்கு இறக்குமதி பண்ணக்கூடிய நிலைமைக்கு வந்துள்ளது. வீராங்கனை என்ற ஒரு அமைப்பு பாத்திமா பாபு மூலமாக பணம் வந்துள்ளது.மார்ச் மாதம் வியாபாரிகள், கடையடைப்பு, போராட்டம் நடந்து இருக்கின்றது. அதுபோக, தூத்துக்குடி மக்கள் தன்னெழுச்சியாக நடத்திய போராட்டம் என்பது ஜல்லிக்கட்டு, அதில் வெளிநாட்டில் யாரும் கலந்து கொண்டுள்ளார்களா? வெளி மாநிலம் கூட கலந்துக்கவில்லை. ஆனால் ஸ்டெர்லைட்டில் வந்து ஒரு பெரிய ஒரு மாநாடு கூட்டமே நடந்தது. தூத்துக்குடி மக்களை பிளவுப்படுத்தி அப்பாவி பொதுமக்களை 13 பேரை இழந்து கொண்டு நிற்கின்றோம் என கூறினார்.ஸ்டெர்லைட் ஆதரவு கிராமப்புற கூட்டமைப்பு தலைவர் வழக்கறிஞர் முருகன் கூறுகையில்..கடந்த 2018 ஆம் ஆண்டு ஸ்டெர்லைட் எதிர்ப்பு போராட்டத்திற்கு முன்பு எதிர்பாளர்கள் ராணி மகால் திருமண மண்டபத்தில் நடத்திய கூட்டத்தில்மக்களை தவறாக வழி நடத்தி சென்று ஒரு சீர்குலைவை ஏற்படுத்த வேண்டும் என ஸ்டெர்லைட் எதிர்ப்பாளர்கள் தீர்மானம் போட்டதை நீதிபதி அருணா ஜெகதீசன் தலைமையிலான விசாரணை ஆணைய அறிக்கை பக்கம் 22இல் 30 ஆவது பேராவில் உறுதி செய்திருந்தது. மக்களை தவறான வழியில் திசை திருப்பி மாவட்ட ஆட்சியர் அலுவலகத்தை முற்றுகையிட வேண்டும் அதன் மூலமாக ஒரு கலவரத்தை ஏற்படுத்த வேண்டும் அப்படி செய்தால் தான் ஸ்டெர்லைட் ஆலையை மூட முடியும் என கூட்டத்தில் முடிவு செய்யப்பட்டுள்ளது என்பதை ஆணை உறுதி முடிவு செய்து இருந்தது. ஆனால் அப்படி கூட்டம் போட்டவர்களை செய்ய காவல்துறை கைது செய்ய தவறிவிட்டது. இவர்கள் மூளை சலவை செய்ததின் காரணமாக பல அப்பாவி மக்கள் இந்த போராட்டத்தில் கலந்து கொண்டனர். வெளிநாட்டு சதி என்பது உண்மையானது. எனவே அரசியல் கட்சியினர் ஆளுநர் சொன்ன கருத்தை அரசியலாக்க வேண்டாம் என கூறினார். ஸ்டெர்லைட்டுக்கு எதிராக செயல்படுபவர்கள் பணத்தை வாங்கிக் கொண்டுதான் செயல்படுகிறார்கள் என்றார்.திரேஸ்புரம் இறால் மீன்பிடி தொழிலாளர் நலச்சசங்க தலைவர் சம்சுதீன், நண்டுவலை மீன்பிடி தொழிலாளர் சங்க செயலாளர் சந்தனராஜ், தூத்துக்குடி மீன்பிடி தொழிலாளர் நலசங்கம் தலைவர் நிக்கோலஸ் ஆகியோரும் இந்த பத்திரிகையாளர் சந்திப்பில் கலந்து கொண்டனர். மீனவர்கள் பேசுகையில்... திரேஸ்புரம் மக்கள் படிப்பறிவு அல்லாத சமுதாய மக்கள் இதனால் போராட்டக் குழுவினர் எங்களை பயன்படுத்திக் கொண்டார்கள். ஸ்டெர்லைட் ஆலையால் கழிவுநீர் வருகிறது. கடலில் கலக்கிறது, மீன்கள் சாகிறது என்று சொல்லி மூளை சலவை செய்து போராட்டம் செய்ய வைத்தனர். அதில், நானும் ஸ்டெர்லைட் போராட்டத்தில்கலந்து கொண்டேன்.எங்களை தூண்டி விட்ட போராட்டக் குழுவினர் பாதியில் நின்று விட்டனர். மக்களை திரட்டி போராட்டம் நடத்திய யாரும் காயப்படவில்லை, சாகவில்லை. இவர்கள் சதியால் அப்பாவி மக்கள் 13 பேர் இறந்துவிட்டனர். வெளிநாட்டிலிருந்து பணம் வாங்கிய எங்களை முட்டாளாக்கி விட்டதாக கூறினார். ஸ்டெர்லைட் ஆலை திறக்கப்பட்டால் எங்களுடைய சந்ததிகளுக்கு வேலை வாய்ப்பு கிடைக்கும் எனவே அந்த ஆலை திறக்க வேண்டும் என கேட்டுக்கொண்டனர்.இந்த பேட்டியின் போது பல்வேறு கிராம மக்களும், கடலோர பகுதிவாழ் மக்களும் கலந்து கொண்டனர்.