நாமக்கல் அருகே ஏரியில் மாவட்ட ஆட்சியர் திடீர் ஆய்வு!

Name: நாமக்கல் அருகே ஏரியில் மாவட்ட ஆட்சியர் திடீர் ஆய்வு!
Uploaded: 2023-06-21T15:28:44+05:30
Duration: 2 min 15 s
Channel: Palanikumar M

Subscribe தமிழ்நாடு videos

Like
Comment
Share

நாமக்கல் அடுத்துள்ள தூசூரில் 700 ஏக்கர் பரப்பளவில் பெரிய ஏரி ஒன்று அமைந்துள்ளது. இந்த ஏரிக்கு கொல்லிமலை உள்ளிட்ட சுற்றுவட்டார பகுதிகளில் பெய்யும் மழை நீர் ஏரியில் சேமிக்கப்பட்டு அப்பகுதியில் உள்ள 1000க்கும் மேற்பட்ட ஏக்கர் பரப்பளவு விவசாய நிலங்களுக்கு பயன்பட்டு வருகிறது. இந்த நிலையில் நாமக்கல் நகராட்சியின் கழிவுநீர், கடந்த சில ஆண்டுகளாக சுத்திகரிக்கப்படமால் நேரிடையாக தூசூர் ஏரியில் கலப்பதால் ஏரி நீர் மாசடைந்து சுற்றுவட்டாரத்தில் நிலத்தடி நீரும் பாதிக்கப்பட்டுள்ளது. இதனால் ஏரியில் மீன்கள் செத்து மிதப்பதோடு ஏரியில் உள்ள நீரை விவசாயத்திற்கும் பயன்படுத்த முடியாத நிலை உள்ளது. இக்கழிவுநீர் கலப்பதை தடுக்க வலியுறுத்தி அப்பகுதி பொதுமக்கள், விவசாயிகள், தன்னார்வலர்கள் கடந்த 18-ம் தேதி போராட்டம் நடத்தினர். இந்த நிலையில் மாவட்ட ஆட்சியர் டாக்டர் உமா திடீர் ஆய்வு செய்தார். அப்போது ஏரிக்கு நீர் வரத்து பகுதிகளையும், நாமக்கல் நகராட்சி கழிவுநீர் வரும்பாதை, அது தூசூர் ஏரியில் கலக்கும் இடத்தையும் ஆய்வு செய்து, ஏரியில் உள்ள தண்ணீரின் தன்மை, ஏரியில் உள்ள மீன்கள் இறந்து கிடப்பது உள்ளிட்டவைகளை பார்வையிட்டு அப்பகுதி விவசாயிகளிடம் ஏரி நீரால் ஏற்படும் பாதிப்புகள் குறித்து கேட்டறிந்தார். அப்போது நகராட்சி கழிவு நீர், ஏரிநீர் ஆகியவற்றின் மாதிரிகள் சேகரிக்கப்பட்டு ஆய்வகத்திற்கு அனுப்பி சோதனை செய்து அதன் முடிவுகளுக்கு ஏற்ப நடவடிக்கை எடுக்கப்படும் என தெரிவித்தார்.

tamilnaduTimesXP TamilUpdated: 21 Jun 2023, 3:28 pm