லாரி சென்றதில் இடிந்து விழுந்த பாலம் குறித்து பேசுவதற்கு அ.தி.மு.க- பா.ஜ.க போராட்டம்!
1084 views
Subscribe தஞ்சாவூர் videosதஞ்சை மாநகராட்சி கூட்டம் மாநகராட்சி கூட்டு அரங்கில் நடைபெற்றது. மேயர் சண். ராமநாதன் தலைமை தாங்கினார். துணை மேயர் அஞ்சுகம் பூபதி, ஆணையர் சரவணகுமார் ஆகியோர் முன்னிலை வகித்தனர். பல்வேறு திட்டங்கள் குறித்து மேயர் விளக்கினார் மேலும் மாநகராட்சியில் தரமான சாலைகள் அமைக்கப்பட்டு வருவதாகவும் தெரிவித்தார். கூட்டத்தில் அ.தி.மு.க.வில் மாநகராட்சி எதிர்கட்சித் தலைவர் யார் என்பதை முடிவு செய்ய வேண்டும். ஏனென்றால் தற்போதைய எதிர்க்கட்சித் தலைவர் ஒரு அணியில் உள்ளார். அ.தி.மு.க. உறுப்பினர்கள் ஒன்றிணைந்து யாரை தேர்ந்தெடுக்கிறார்களோ அவரை எதிர் கட்சி தலைவராக நியமிக்க வேண்டும் என்றார்.தஞ்சை கீழ வாசலில் கட்டி முடிக்கப்பட்ட சில நாட்களில் பாலம் இடிந்து விழுந்தது. இது குறித்து எடுக்கப்பட்ட நடவடிக்கை என்ன. சரியான முறையில் பாலம் கட்டப்பட்டதா? என்றார்.இதே பிரச்சினையை எதிர்க்கட்சித் தலைவர் மணிகண்டன் பேசும்போது மைக் ஆப் செய்யப்பட்டது. கோரிக்கை குறித்து பதில் அளித்த மேயர் சண். ராமநாதன் : கீழவாசல் பாலத்தில் போக்குவரத்திற்கு அனுமதிக்காத நிலையில் தடையை மீறி லாரி டிரைவர் அதிக லோடு மணல் ஏற்றி சென்றதால் விபத்து ஏற்பட்டது. லாரி டிரைவர், உரிமையாளர் மீது வழக்கு பதிவு செய்யப்பட்டுள்ளது. கட்டுமான பணிக்கு தேவையான பணத்தை லாரி உரிமையாளர் தருவதாக கூறியுள்ளார். பாலம் தரமான முறையில் தான் கட்டப்பட்டது. கடந்த அ.தி.மு.க ஆட்சியில் கட்டப்பட்ட சாந்த பிள்ளை பாலம் தரமான முறையில் கட்டவில்லை என்றார். அப்போது தி.மு.க. கவுன்சிலர்கள் சாந்த பிள்ளை கேட் பாலம் சேதம் குறித்த புகைப்படத்துடன் கூடிய பேனரை காண்பித்து கோஷம் எழுப்பினர். இதனால் அ.தி.மு.க, அ.ம.மு.க. பா.ஜ.க. கவுன்சிலர்கள் பதிலுக்கு கோஷம் எழுப்பினர். இதனால் இரு தரப்புக்கும் இடையே கடும் வாக்குவாதம் அமளி ஏற்பட்டது. ஒருவருக்கொருவர் மாறி மாறி கடும் வார்த்தைகளால் பேசிக்கொண்டனர். தள்ளுமுள்ளு ஏற்பட்டது. இதனால் அங்கு பரபரப்பான சூழ்நிலை நிலவியது. இதையடுத்து அனைத்து தீர்மானங்களும் ஒரு மனதாக நிறைவேற்றப்பட்டதாக மேயர் சண். ராமநாதன் கூறி சென்றார். அப்போது கூட்ட அரங்கில் மைக், விளக்கு அமைக்கப்பட்டது. இதனை கண்டித்தும் கூட்டத்தில் தங்களது கருத்துகளை தெரிவிக்க சுதந்திரமான முறையில் பேச அனுமதிக்க வேண்டும், பேசும்போது மைக்கை ஆப் செய்யக்கூடாது என்பதை வலியுறுத்தி அ.தி.மு.க, அ.ம.மு.க, பா.ஜ.க. கவுன்சிலர்களான மணிகண்டன், கோபால், கேசவன், தட்சிணாமூர்த்தி, சரவணன், காந்திமதி ,கலைவாணி, கண்ணுக்கினியாள், ஜெய்சதீஷ் ஆகிய 9 பேரும் மாநகராட்சி கூட்ட அரங்கில் உள்ளிருப்பு போராட்டத்தில் ஈடுபட்டனர். பால பிரச்சனை குறித்து பேசுவதற்கு அனுமதி மறுக்கப்பட்டது கண்டித்து கோஷங்கள் எழுப்பினர். இதனைத் தொடர்ந்து ஆணையர் சரவணகுமார் பேச்சுவார்த்தை எடுத்து கலைந்து சென்ற அவர்கள் அதிமுக மற்றும் பாஜக அமமுக பின்னர் ஏராளமானோர் கலந்து கொண்டு மாநகராட்சி அலுவலகம் முன்பு போராட்டத்தில் ஈடுபட்டனர்.
Related Videos
தலைக்கவசம் அணிந்தால் தக்காளி இலவசமா!தஞ்சாவூர்
மாமன்னன் திரைப்படத்தை கொண்டாடிய ரசிகர்கள்தஞ்சாவூர்
தேசிய மேம்பாலத்தில் நெடுஞ்சாலையில் அதிகாரிகள் டேப் ஒட்டி ஆய்வு;பொதுமக்கள் அதிர்ச்சி!தஞ்சாவூர்
சரிந்து விழுந்த தஞ்சை திருச்சி தேசிய நெடுஞ்சாலை செங்கிப்பட்டி பாலம்தஞ்சாவூர்
15 டிராக்டர்களில் வந்திறங்கிய சீர் வரிசை!தஞ்சாவூர்
கொட்டும் மழையிலும் முதலமைச்சருக்கு உற்சாக வரவேற்பு!தஞ்சாவூர்
தஞ்சாவூர்:குறுவை சாகுபடிக்காக இன்று கல்லணை திறப்பு !தஞ்சாவூர்
தஞ்சையில் ஆழங்கட்டி மழை;பொதுமக்கள் மகிழ்ச்சி:வைரல் வீடியோதஞ்சாவூர்
தஞ்சையை திணறடித்த வைத்தியலிங்கம் மகன் திருமண விழாதஞ்சாவூர்
விபத்து எப்படி ஏற்பட்டது? திக் திக் அனுபவங்களை பகிர்ந்த பயணி!தஞ்சாவூர்
மீன்களை பதப்படுத்தினால் கடுமையான நடவடிக்கை - அமைச்சர் அனிதா ராதாகிருஷ்ணன் பேட்டி!தஞ்சாவூர்