லஞ்சப்புகாரில் சிவகங்கை சரக வக்ஃபு வாரிய அலுவலக உதவியாளர் பணியிடை நீக்கம்..!!
1030 views
Subscribe தமிழ்நாடு videosஇராமநாதபுரம், சிவகங்கை, விருதுநகர் ஆகிய மூன்று மாவட்டங்களுக்கும் வக்ஃபு வாரிய கண்காணிப்பாளராக பணியில் இருந்து வருபவர் ஆயிஷா.அலுவலக உதவியாளராக பணியில் இருந்து வந்தவர் அபுல் அசன்.இந்நிலையில், சிவகங்கை மாவட்டம் காரைக்குடி செஞ்சை பள்ளிவாசலின் நிர்வாக தேர்தல் நடத்தி நிர்வாகிகளை தேர்ந்தெடுப்பதில் ஒரு தரப்பினருக்கு ஆதரவாக செயல்பட கண்காணிப்பாளர் ஆயிஷா,அலுவலக உதவியாளர் அபுல் அசன் மூலம் லஞ்சம் பெற்றதாக சென்னை வக்ஃபு வாரிய முதன்மை செயல் அலுவலரிடம் செஞ்சை ஜமாத் கமிட்டியினர் புகார் அளித்தனர்.அந்த புகாரின் பேரில், சென்னை வக்ஃபு வாரிய உதவி செயல் அலுவலர் வஷீர் அகமது தலைமையில், செஞ்சை ஜமாத் கமிட்டி நிர்வாகிகள் மற்றும் கண்காணிப்பாளர் ஆயிஷாவிடம் நேரடிவிசாரணை நடத்தப்பட்டது, இந்த விசாரணையில் தேர்தல் நடத்துவதற்காக ஒரு தரப்பினரிடம் கண்காணிப்பாளர் கையூட்டு வாங்கியதாக கொடுத்த குற்றச்சாட்டு உறுதியானதை அடுத்து,அலுவலக உதவியாளர் அபுல் அசனை பணியிடை நீக்கம் செய்தும்,கண்காணிப்பாளர் ஆயிஷாவிற்கு குற்றச்சாட்டு குறிப்பாணை (சார்ஜ் மெமொ) வழங்கியும், சென்னை வக்ஃபு வாரிய முதன்மை செயல் அலுவலர் ஜெயினுலாபுதீன் அதிரடி நடவடிக்கை மேற்கொண்டார்.வக்ஃபு வாரிய அலுவலர்கள் லஞ்சம் பெற்ற சம்பவம் இஸ்லாமியர்களிடையே அதிர்ச்சியை ஏற்படுத்தி உள்ளது.