நடமாடும் நூலகம் துவக்கி வைக்கும் நிகழ்ச்சி நடைபெற்றது!
1030 views
Subscribe ராமநாதபுரம் videosஇராமநாதபுரம் வள்ளல் பாரி நகராட்சி பெண்கள் மேல்நிலைப்பள்ளியில் இன்று முகவை சங்கமம் மூலம் மாணவ, மாணவிகளுக்கான கோடைகால பயிற்சி மற்றும் நடமாடும் நூலகம் துவக்கி வைக்கும் நிகழ்ச்சி நடைபெற்றது. இந்நிகழ்ச்சியில் மாவட்ட ஆட்சித்தலைவர் ஜானி டாம் வர்கீஸ் அவர்கள் தலைமையேற்று நடமாடும் நூலகம் வாகனத்தை துவக்கி வைத்ததுடன் மாணவ, மாணவிகளுக்கான கோடைகால பயிற்சியை துவக்கி வைத்து பேசுகையில்,மாணவ, மாணவிகள் தற்பொழுது விடுமுறையில் இருந்து வருவதை கருத்தில் கொண்டு ஒருங்கிணைத்து பயிற்சி வழங்கிடும் வகையில் இத்தகைய சிறப்பு பயிற்சி துவங்கப்பட்டுள்ளது. இதில் ஓவியம், காகித மடிப்பு, ஓலை மடிப்பு, கதை சொல்லுதல், கதை எழுதுதல் மற்றும் நாடகப்பயிற்சி வழங்க திட்டமிடப்பட்டுள்ளது. இந்தப் பயிற்சிகள் உங்கள் எதிர்கால வாழ்விற்கு பயனுள்ளதாக இருக்கும். இந்த உலகில் நாம் கற்றுக் கொள்ள வேண்டிய முக்கியமான ஒன்று என்னவென்றால் ஒருவரை எப்படி அணுகுவது, எந்த மாதிரி பேச வேண்டும், அதற்கான வழிமுறைகள் என்ன என்பதை ஒவ்வொருவரும் அவசியம் தெரிந்து கொள்ள வேண்டும். பள்ளிப்படிப்பை தாண்டி இந்த மாதிரி சமூகத்துடன் இணைந்து பயில்வது உங்களுக்கு பயனுள்ளதாகவும், தங்களின் திறமைகளை வளர்த்துக் கொள்ளவும் இத்தகைய பயிற்சி மிகப்பயனுள்ளதாக இருக்கும். எனவே மாணவ, மாணவிகள் கட்டாயம் இந்த பயிற்சியில் கலந்து கொண்டு தங்களுக்கு ஆர்வமுள்ள பயிற்சியில் பங்கேற்று பயிற்சி பெற வேண்டும். இதன் பயன் எதிர்காலத்தில் கண்டிப்பாக உங்களை வந்து சேரும். மேலும் பள்ளிகளில் குழுக்களாக பிரித்து மாணவ, மாணவிகளின் திறமைகள் வளர்க்கப்படுவதுடன் ஊக்கப்படுத்தப்பட்டு வருகிறது. அந்த வகையில் அந்தக் குழுவில் உள்ள மாணவ, மாணவிகள் கோடைகால பயிற்சியினை ஒரு பயனுள்ள பயிற்சியாக அமைத்துக் கொள்ள வேண்டும்.அதேபோல் நமது மாவட்டத்தில் புத்தகத் திருவிழா கடந்த இரண்டு மாதங்களுக்கு முன்பு வெகு சிறப்பாக நடைபெற்று அனைத்து மக்களின் வரவேற்பை பெற்றதாக இருந்து வந்தன. அதன் தொடர்ச்சியாக தற்பொழுது புத்தகத் திருவிழாவில் பொதுமக்கள், மாணவ, மாணவிகள் பார்வைக்கு இருந்து வந்த நடமாடும் நூலகம் தற்பொழுது கிராமங்கள் தோறும் மாணவ, மாணவிகள், பொதுமக்களை சந்திக்க செல்கின்றன. அதனை தொடர்ந்து பள்ளிகள் தோறும் இந்த நடமாடும் நூலகம் வாகனம் செல்கின்றன.இந்த நடமாடும் நூலகத்தில் சுமார் 2500-க்கும் மேற்பட்ட புத்தகங்கள் உள்ளன. இதன் மூலம் கல்லூரி மாணவர்கள், தமிழ்நாடு குடிமைப்பணி மற்றும் தமிழ்நாடு தேர்வாணையம் பணிக்கு தேர்வு எழுதுவதற்கு தேவையான புத்தகங்கள் படிக்கும் வகையில் புத்தகங்கள் இருப்பு வைக்கப்பட்டுள்ளது. அதேபோல் பள்ளி மாணவர்கள் உயர்கல்வி மற்றும் தொழிற்கல்வி தொடர்பான வழிகாட்டுதல் புத்தகங்கள் வைக்கப்பட்டுள்ளது.மேலும் மாவட்டத்தின் வரலாற்று சிறப்புகள், சுதந்திரப் போராட்ட தியாகிகளின் வரலாற்று சிறப்புகள் கொண்ட அனைத்து வகையான புத்தகங்களும் இந்த நடமாடும் நூலகத்தில் வைக்கப்பட்டுள்ளதால், தங்கள் பகுதிக்கு நேரில் வரும் நடமாடும் நூலகத்தை மாணவ, மாணவிகள், பொதுமக்கள் பயன்படுத்திக் கொள்ள வேண்டும். அது மட்டுமின்றி இந்த வாகனத்தில் கூடுதல் சிறப்பு அம்சம் என்னவென்றால் மாணவ, மாணவிகள் குழுவாக அமர்ந்து படிக்கும் வகையிலும் மற்றும் கலந்துரையாடல் மேற்கொள்ளும் வகையில் இருக்கையில் அமைக்கப்பட்டுள்ளது. இத்தகைய சிறப்பு வாய்ந்த நடமாடும் நூலகத்தை மாணவ, மாணவிகள் மற்றும் பொதுமக்கள் படித்து பயன்பெற வேண்டும். மேலும் மாணவ, மாணவிகளை ஊக்கப்படுத்தும் வகையில் தற்பொழுது நடமாடும் நூலகம் சென்ற பகுதிகளில் அதில் கலந்து கொண்டு படித்த மாணவ, மாணவிகளுக்கு இடையே போட்டி வைத்து அதில் சிறப்பான படைப்பாற்றலை வெளிப்படுத்தும் மாணவ, மாணவிகளுக்கு ஜூன் மாதத்தில் பரிசுகள் வழங்கி சிறப்பிக்கப்படும். எனவே ஒவ்வொருவரும் தங்கள் திறமையை மேம்படுத்தும் மற்றும் வெளிக்காட்டும் தளமாக இந்த பயிற்சி அமையட்டும். இதில் பங்கேற்ற மாணவ, மாணவிகளுக்கும், புத்தகம் திருவிழாவிற்கு உறுதுணையாக இருந்து உதவி செய்த அனைவருக்கும் மாவட்ட நிர்வாகத்தின் சார்பாக நன்றியை தெரிவித்துக்கொள்கிறேன் என மாவட்ட ஆட்சித்தலைவர் தஜானி டாம் வர்கீஸ் தெரிவித்துள்ளார்.இந்நிகழ்ச்சியில் உதவி ஆட்சியர் வி.எஸ்.நாராயணசர்மா, மாவட்ட முதன்மை கல்வி அலுவலர் பாலுமுத்து, மாவட்ட நூலக அலுவலர் செல்வசுப்பிரமணியன், மாவட்ட ஆட்சியரின் நேர்முக உதவியாளர் சேக்மன்சூர், வட்டார போக்குவரத்து அலுவலர் சேக் முகமது, மண்டபம் ஊராட்சி ஒன்றிய குழுத்தலைவர் சுப்புலட்சுமி ஜீவானந்தம், கலை இலக்கிய ஆர்வலர் சங்கம் செயலாளர் வான்தமிழ் இளம்பரிதி மற்றும் அரசு அலுவலர்கள் உட்பட பலர் கலந்து கொண்டனர்
Related Videos
ராமேஸ்வரத்தில் இரட்டை இலைக்கு தான் ஓட்டு..ராமநாதபுரம்
ராமேஸ்வரம் மீனவர்களை சந்தித்து ஓபிஎஸ் பிரச்சாரம்..ராமநாதபுரம்
சீமான் எத்தனை ஜோடி செருப்பு வைத்திருக்கிறார்ராமநாதபுரம்
விவசாயிகள் குறைதீர்க்கும் கூட்டத்தில் சலசலப்புராமநாதபுரம்
ஸ்ரீ செட்டி அய்யனார் திருக்கோயில் கும்பாபிஷேக விழாராமநாதபுரம்
ஸ்ரீ சுந்தரராஜ பெருமாள் ஆலய கும்பாபிஷேக விழா!ராமநாதபுரம்
குடும்ப பிரச்சனை காரணமாக எலி பேஸ்ட் சாப்பிட்ட பெண்!ராமநாதபுரம்
தனுஷ்கோடியில் போதை பொருள் பேரணி!ராமநாதபுரம்
தலைமை ஆசிரியர் அடித்ததாக ரத்தக் காயத்துடன் மாணவன் சிகிச்சை!ராமநாதபுரம்
இராமநாதபுரம் மாவட்டத்தில் கடையடைப்பு போராட்டம்!ராமநாதபுரம்
அரசால் தடை செய்யப்பட்ட 500 கிலோ கடல் அட்டைகள் கடத்தல்!ராமநாதபுரம்