குலதெய்வ வழிபாட்டிற்கு பழமை மாறாத மாட்டுவண்டி பயணம்!
1082 views
Subscribe ராமநாதபுரம் videosநவீன யுகத்தில் இராமநாதபுரம் மாவட்டம் கமுதியில் இருந்து மாட்டு வண்டிகளில் குலதெய்வ வழிபாட்டிற்காக 100 கிலோமீட்டர் தூரத்தை நான்கு நாட்கள் பயணம் செய்து 7 நாட்கள் தங்கி மீண்டும் திரும்ப நான்கு நாட்கள் பயணம் செய்து பாரம்பரியத்தை பாதுகாக்கும் கிராம மக்கள். ராமநாதபுரம் மாவட்டம் கமுதி அருகே உள்ள அகத்தார் இருப்பு கிராமத்தை தாய் கிராமமாக கொண்ட 56 கிராம மக்கள் 2000க்கும் மேற்பட்டோர் தங்களின் குலதெய்வ வழிபாட்டிற்காக மூன்று ஆண்டுகளுக்கு ஒரு முறை விருதுநகர் மாவட்டம் சிவகாசி அருகே உள்ள புதுப்பட்டி கிராம கூடமுடையார் கோவில், சிவகாசி அருகே உள்ள மல்லி ஊரில் உள்ள காளீஸ்வரி கோவில், ராஜபாளையம் அருகே உள்ள கீழராஜகுலராமன் ஊரில் உள்ள இருளப்பசாமி கோவில் ஆகிய ஊர்களில் உள்ள கோவில்களுக்கு மூன்று பிரிவுகளாக வழிபாட்டிற்காக 130 மாட்டு வண்டிகள், 500 TATA ACE, 300 டிராக்டர்களில் குடும்பத்தினரோடு சென்று வழியில் ஆங்காங்கே சமைத்து சாப்பிட்டு 100 கிலோ மீட்டர் தூரத்தை நான்கு நாட்கள் பயணம் செய்து கடக்கின்றனர், கோவிலில் ஏழு நாட்கள் தங்கி திருவிழா நடத்தி மீண்டும் மாட்டு வண்டியிலேயே நான்கு நாட்கள் திரும்பி ஊர் வந்து சேர மொத்தம் 15 நாட்களாகிறது, ஒரு நாளில் சுமார் 25 கிலோ மீட்டர் மட்டும் பயணம் மேற்கொள்ளும் இவர்கள் முதல் நாள் மதியம் விருதுநகர் மாவட்டம் மண்டப சாலை ஊரில் மதிய உணவு இரவு உணவு மற்றும் தங்குவதற்காக விருதுநகர் மாவட்டம் பாலவநத்தம் கிராமத்திலும், இரண்டாம் நாள் மதியம் விருதுநகர் மாவட்டம் குல்லூர் சந்தை கிராமத்திலும், இரண்டாம் நாள் இரவு உணவு மற்றும் தங்குவதற்காக விருதுநகர் மாவட்டம் சங்கர புறத்திலும், மூன்றாம் நாளில் ஒரு பிரிவினர் சிவகாசி அருகே உள்ள புதுப்பட்டி கூட உடையார் கோவில் குலதெய்வ கோயிலை அடைகின்றனர், மற்ற இரண்டு பிரிவினர் நான்காம் நாளில் கீழ ராஜகுல ராமன் இருளப்பசாமி மற்றும் மல்லி காளிஸ்வரி கோவிலை அடைகின்றனர், தற்போதைய நவீன காலத்தில் 100 கிலோ மீட்டர் தூரத்தை பேருந்துகளிலேயே இரண்டு மணி நேரத்தில் கடக்கலாம், ஆனால் சாமி கும்பிட மாட்டு வண்டிகளில் மட்டுமே வந்து கும்பிட வேண்டும் என குலதெய்வ உத்தரவு என்பதால் சுமார் 300 ஆண்டுகளாக மூன்று ஆண்டுக்கு ஒரு முறை மாட்டு வண்டிகளில் பிரயாணம் மேற்கொண்டு பாரம்பரிய கலாச்சாரத்தை பறைசாற்றும் விதமாக மாட்டு வண்டி பிரயாணம் நடைபெறுகிறது, இவர்களை நிறைய பேர் வசதி படைத்தவர்கள் என்பது குறிப்பிடத்தக்கது, இவர்களிடம் கார், டூவீலர் எல்லாம் வைத்திருந்தாலும் இக்கோவிலுக்கு அவர்களும் மாட்டு வண்டி பிரயாணம் மட்டுமே, தற்போதைய காலகட்டத்தில் மாட்டு வண்டிகளை பார்ப்பது அரிது அதனால் சாமி கும்பிட சொல்பவர்களில் சிலர் மட்டுமே மாட்டு வண்டிகளை சொந்தமாக வைத்துள்ளனர், மாட்டு வண்டிகள் இல்லாதவர்கள் மாட்டு வண்டிகளை 15 நாட்களுக்கு சுமார் 35 ஆயிரம் ரூபாய் வாடகைக்கு பிடித்து, மாட்டு வண்டி ஓட்டுபவர்களுக்கு சாப்பாடு, மாடுகளுக்கு உணவு என பெருந்தொகை ஒதுக்க வேண்டும், அது போக மாட்டு வண்டி கிடைக்காததால் டிராக்டர் மற்றும் டாட்டா ஏஸ் போன்ற ஆட்டோ வாகனங்களை தற்போது பயன்படுத்தி வருகின்றனர். மாட்டு வண்டிகள் கிடைக்காதவர்கள் ஆட்டோ, ட்ராக்டர்களை பயன்படுத்தினாலும் அவர்களும் மாட்டு வண்டிகளின் கூடவே சென்று அவர்களுடைய தங்கி மூன்று முதல் நான்கு நாட்கள் பயணம் மேற்கொள்ள வேண்டும், கிராமங்களின் கலாச்சாரம் அழிந்து வரும் நிலையில் பண்டைய கால மக்களின் சொகுசு வாகனமான கட்டை வண்டி எனப்படும் மாட்டு வண்டி பயணம் தற்போதைய கால வாரிசுகளுக்கு புதிய அனுபவமாக இருந்தது, மாட்டு வண்டிகளில் வீடு போல கூடாரம் அமைத்து, வீடு போலவும் அதில் சமையலுக்கு தேவையான பொருட்களும் மாடுகளுக்கு தேவையான வைக்கோல் உள்ளிட்ட பொருட்களோடு கீழே ஊஞ்சல் போல கட்டி அதில் தொங்கியபடி பிரயாணம் செய்கின்றனர்.
Related Videos
ராமேஸ்வரத்தில் இரட்டை இலைக்கு தான் ஓட்டு..ராமநாதபுரம்
ராமேஸ்வரம் மீனவர்களை சந்தித்து ஓபிஎஸ் பிரச்சாரம்..ராமநாதபுரம்
சீமான் எத்தனை ஜோடி செருப்பு வைத்திருக்கிறார்ராமநாதபுரம்
விவசாயிகள் குறைதீர்க்கும் கூட்டத்தில் சலசலப்புராமநாதபுரம்
ஸ்ரீ செட்டி அய்யனார் திருக்கோயில் கும்பாபிஷேக விழாராமநாதபுரம்
ஸ்ரீ சுந்தரராஜ பெருமாள் ஆலய கும்பாபிஷேக விழா!ராமநாதபுரம்
குடும்ப பிரச்சனை காரணமாக எலி பேஸ்ட் சாப்பிட்ட பெண்!ராமநாதபுரம்
தனுஷ்கோடியில் போதை பொருள் பேரணி!ராமநாதபுரம்
தலைமை ஆசிரியர் அடித்ததாக ரத்தக் காயத்துடன் மாணவன் சிகிச்சை!ராமநாதபுரம்
இராமநாதபுரம் மாவட்டத்தில் கடையடைப்பு போராட்டம்!ராமநாதபுரம்
அரசால் தடை செய்யப்பட்ட 500 கிலோ கடல் அட்டைகள் கடத்தல்!ராமநாதபுரம்