என்.ஆர்.காங்கிரஸ் - பாஜக ஆட்சியில் ஊழல் நடைபெற்று வருகிறது - நாராயணசாமி

Name: என்.ஆர்.காங்கிரஸ் - பாஜக ஆட்சியில் ஊழல் நடைபெற்று வருகிறது - நாராயணசாமி
Uploaded: 2023-03-05T21:41:03+05:30
Duration: 4 min 26 s

Subscribe புதுச்சேரி videos

Like
Comment
Share

புதுச்சேரியில் டுபாக்கூர் ஆட்சி நடைபெற்று வருகிறது. ஆளும் என்.ஆர்.காங்கிரஸ் - பாஜக ஆட்சியில் அனைத்து துறைகளிலும் ஊழல் நடைபெற்று வருகிறது. அதற்கு முதலமைச்சர் ரங்கசாமி தலைமை தாங்குகிறார் என புதுச்சேரியில் நடைபெற்ற காங்கிரஸ் நடைபயணத்தில முன்னாள் முதலமைச்சர் நாராயணசாமி பேசியது பரபரப்பை ஏற்படுத்தியுள்ளது.மத்திய பாஜக அரசின் ஊழல்களை கண்டித்தும், பாஜகவுக்கு எதிராக காங்கிரஸ் கட்சி தலைவர் ராகுல் காந்தி கன்னியாகுமரி முதல் காஷ்மீர் வரை 142 நாள் நடைபயணம் மேற்கொண்டார். அந்த நடைபயணம் முடிவடைந்ததை தொடர்ந்து புதுச்சேரி மாநிலம் முழுவதும் காங்கிரசார் நடைபயணம் மேற்கொள்ள முடிவெடுக்கப்பட்டது. அதன்படி புதுச்சேரி மாநிலத்தில் லாஸ்பேட்டை தொகுதியில் காங்கிரஸ் கட்சி எம்எல்ஏவும் சட்டமன்ற கட்சி தலைவருமான வைத்தியநாதன் தலைமையில் காங்கிரஸ் கட்சியினர் நடைபயணம் மேற்கொண்டனர். தொகுதி முழுவதும் நடைபெற்ற இந்த நடைபயணத்தில் முன்னாள் முதலமைச்சர் நாராயணசாமி, காங்கிரஸ் கட்சி தலைவர் ஏ.வி.சுப்ரமணியன், பாராளுமன்ற உறுப்பினர் வைத்திலிங்கம், முன்னாள் அமைச்சர் கந்தசாமி, முன்னாள் அரசுகொறடா அனந்தராமன் மற்றும் ஏராளமான காங்கிரசார் கலந்து கொண்டு நடைபயணம் மேற்கொண்டு பாஜக அரசின் மக்கள் விரோத நடவடிக்கைகள் மற்றும் புதுச்சேரி ஆளும் என்.ஆர்.காங்கிரஸ், பாஜக அரசின் ஊழல்கள் குறித்து பொதுமக்களிடையே விளக்கி பேசப்பட்டது. அப்போது பேசிய முன்னாள் முதலமைச்சர் நாராயணசாமி, காங்கிரஸ் ஆட்சி காலத்தில் 65 ரூபாய் இருந்த ஒரு லிட்டர் பெட்ரோல் இன்று 100 ரூபாய் தாண்டிவிட்டது. 57 ரூபாய்க்கு இருந்த டீசல் ஒரு லிட்டர் இன்று 100 ரூபாய்க்கு போய் விட்டது. சமையல் எரிவாயு இன்று 50 ரூபாய் கூடுதலாக உயர்ந்துள்ளது. அதானிக்கு நரேந்திர மோடி ஆட்சியில் இந்த நாட்டிலே உள்ள 13 துறைமுகங்கள், 6 விமான நிலையங்கள் கொடுக்கப்பட்டிருக்கின்றன. 100-க்கும் மேற்பட்ட பொதுத்துறை நிறுவனங்களை கொடுத்துள்ளனர். தலைவர் ராகுல் காந்தி அவர்களை இந்த நாட்டினுடைய பிரதமராக நாம் பார்க்க வேண்டும். அதுதான் நம்முடைய குறிக்கோள். மதச்சார்பற்ற முற்போக்கு கூட்டணியினர் ராகுல் காந்தி தலைமையில் ஒன்றிணைய வேண்டும். கடந்த தேர்லில் பாஜகவின் பெரிய சக்திகளான நரேந்திர மோடி, அமித்ஷா, நிர்மலா சீதாராமன் பேசாத பேச்சுகள் இல்லை. பாஜக மாநில தலைவர் சாமிநாதன் லாஸ்பேட்டையில் போட்டியிட்டார். ஆனால் இன்று காங்கிரஸ் கட்சி சார்பில் வைத்தியநாதன் போட்டியிட்டு வெற்றிபெற்று உள்ளார். அதற்கு உங்களுடைய அன்பு பாசம் தான். இவர் இன்று சட்டமன்ற கட்சியினுடைய தலைவர் மட்டுமல்ல இன்று இந்திய தலைவர்களிலே இந்தியாவில் உள்ள காங்கிரஸ் கட்சியினுடைய தலைவர்களோடு பேசுகின்ற ஒரு வாய்ப்பை இந்த தொகுதி மக்கள் கொடுத்திருக்கிறீர்கள். அதற்கு உங்களுக்கு நான் நன்றி தெரிவித்துக் கொள்கிறேன். அதுமட்டுமல்ல புதுச்சேரியில் டுபாக்கூர் ஆட்சி நடக்கிறது. ரங்கசாமி முதலமைச்சர், கூட்டணியில் பாஜக உள்ளது. நாங்கள் ஆட்சிக்கு வந்தால் பல திட்டங்களை நிறைவேற்றுவோம் என்றனர். ஆனால் எதுவும் நடக்கவில்லை. அனைத்து துறைகளிலும் ஊழல் மட்டுமே நடக்கிறது. ஊழல்களுக்கு முதலமைச்சர் ரங்கசாமி தலைமை தாங்குகிறார். புதுச்சேரியின் கலாச்சாரத்தை ரங்கசாமி அழித்துவிட்டார். ஆகவே தான் இந்த ஆட்சிக்கு முற்றுப்புள்ளி வைக்க வேண்டும். மத்தியில் உள்ள மோடி ஆட்சியை தூக்கி எறிய வேண்டும் அதற்காகத்தான் இந்த நடைபயணம் என பேசினார்.

puducherryTimesXP TamilUpdated: 24 Mar 2023, 6:32 pm