ஸ்டாலின் புகைப்பட கண்காட்சியை வியந்து பார்த்த பொன்னியின் செல்வன்தூய்மையான திருவண்ணாமலை மண்ணில் முதல்வரின் புகைப்பட கண்காட்சியில் கலந்து கொண்டது வியப்பாக....... தமிழ் தமிழ்நாடு திராவிடம் இவை அனைத்தும் நாம் வெளிக்கொண்டு வரும் விஷயங்கள் மட்டுமே பிரபல திரைப்பட நடிகர் ஜெயம் ரவி பேட்டி....திருவண்ணாமலை காந்திநகர் புறவழிச்சாலையில் உள்ள மைதானத்தில் தமிழக முதல்வரின் வாழ்க்கை வரலாறு குறித்த புகைப்பட கண்காட்சி திறப்பு விழா நேற்று நடைபெற்றது. இந்த புகைப்பட கண்காட்சி திறப்பு விழாவில் பிரபல திரைப்பட நடிகர் ஜெயம் ரவி கலந்து கொண்டு புகைப்பட கண்காட்சியை துவக்கி வைத்து பொதுப்பணித்துறை அமைச்சர் எ.வ.வேலுவுடன் அனைத்து புகைப்படங்களையும் கண்டு ரசித்தார்.இதனை தொடர்ந்து செய்தியாளர்களிடம் பேசிய பிரபல திரைப்பட நடிகர் ஜெயம் ரவி இது போன்ற புகைப்பட கண்காட்சியை சிறப்பாக கொண்டு வந்த அனைவருக்கும் நன்றியை தெரிவித்துக் கொள்வதாகவும், இது போன்ற புகைப்பட கண்காட்சியை எங்கும் பார்த்ததில்லை என்றும், சினிமாவில் இருக்குமாறு இங்கு பெரிய சகாப்தத்தை கண் முன் நிறுத்தியதாக ஒரு உணர்வு ஏற்பட்டுள்ளதாக தெரிவித்தார்.மேலும் தமிழக முதலமைச்சரின் சாதனைகளையும் உழைப்பையும் கண்முன் கொண்டு வந்து நிறுத்தியதாக உணர்வதாகவும், தமிழக முதலமைச்சர் எம்மதமும் சம்மதம் என்ற அடிப்படையில் அனைவருடன் எப்படி பழகுகிறாரோ அதேபோன்று இந்த புகைப்பட கண்காட்சி அமைந்துள்ளதாகவும், இந்த புகைப்பட கண்காட்சியில் நான் கலந்து கொண்டது மிகவும் பெருமையாக உள்ளதாகவும், இந்த தூய்மையான மண் திருவண்ணாமலை மண் அந்த மண்ணில் நான் வந்து இந்த நிகழ்ச்சியில் கலந்து கொண்டது மிகவும் வியக்க வைக்க உள்ள அளவுக்கு உள்ளது என்றும், தமிழ், தமிழ்நாடு, திராவிடம் என்ற கொள்கையை எப்படி பார்க்கிறீர்கள் என்ற செய்தியாளர்கள் கேள்விக்கு இது அனைத்தும் ஒற்றுமை நாமே நமக்குள் உள்ள ஒற்றுமையை நாம் வெளிக்காட்டுகிறோம் என்றும், முதல்வரின் சிறப்பு பற்றி கேள்வி எழுப்பியதற்கு தமிழக முதலமைச்சருடைய சிறப்பு அனைவரும் அறிந்ததே என்றும், மக்கள் போற்றுகின்ற அளவிற்கு அவர் தற்போது மாற்றத்தை செய்துள்ளார் என்றும், இன்னும் பல மாற்றங்களை செய்வார் என்று நானும் பொதுமக்களும் எதிர்பார்த்துக் கொண்டிருக்கிறோம் என பேசினார்.இதனைத் தொடர்ந்து சிறுபான்மை மற்றும் வெளிநாடுவாழ் தமிழர்கள் நலத்துறை அமைச்சர் செஞ்சி மஸ்தான் தமிழ்நாடு முதல் அமைச்சரின் புகைப்பட கண்காட்சியை கண்டு ரசித்தார்.