மதுரை பள்ளியில் 5 ஸ்மார்ட் வகுப்புகளை அமைச்சர் பழனிவேல் தியாகராஜன் வைத்தார்

Name: மதுரை பள்ளியில் 5 ஸ்மார்ட் வகுப்புகளை அமைச்சர் பழனிவேல் தியாகராஜன் வைத்தார்
Uploaded: 2023-01-23T20:16:07+05:30
Duration: 15 min 13 s

1002 views

Subscribe மதுரை videos

Like
Comment
Share

எச்டிஎஃப்சி (HDFC) வங்கி தமிழ்நாட்டில் உள்ள அரசு பள்ளிகளை நவீன (ஸ்மார்ட்) பள்ளிகளாக தரம் உயர்த்துகிறதுமதுரை திரு.வி.க. மாநகராட்சி பள்ளியில் 5 ஸ்மார்ட் வகுப்புகளை தமிழ்நாடு நிதி மற்றும் மனித வள மேலாண்மைத் துறை அமைச்சர் டாக்டர் பழனிவேல் தியாகராஜன் அவர்கள் திறந்து வைத்தார்மதுரை,ஜனவரி 23, 2023: எச்டிஎஃப்சி வங்கி இன்று ஐந்து நவீன (ஸ்மார்ட்) பள்ளிகளை, நிதி மற்றும் மனித வள மேலாண்மைத் துறை அமைச்சர் டாக்டர் பழனிவேல் தியாகராஜன் மற்றும் எச்டிஎஃப்சி வங்கியின் நிர்வாக இயக்குநர் மற்றும் தலைமைச் செயல் அதிகாரி திரு. சசிதர் ஜெகதீசன் ஆகியோர் தொடங்கி வைத்தனர்.வங்கியின் சமூக வளர்ச்சி முயற்சியான பரிவர்தனின் கீழ் இதுபோன்ற பணிகளை மொத்தம் 24 பள்ளிகளில் தமிழ்நாடு முழுவதும் தொடங்கப்படும். இத்திட்டத்தின் மூலம் மாநிலத்தில் உள்ள அரசு பள்ளிகளில் பயிலும் 22,000 மாணவர்கள் பயனடைவார்கள் என எதிர் பார்க்கப்படுகிறது. கூடுதலாக, வங்கியானது தமிழ்நாட்டின் நிலையான வாழ்வாதார முன் முயற்சியாக (SLI) கீழ் 8 லட்சம் கடனாக கொடுக்க உள்ளது. இந்த விழாவில் மதுரை திரு.வி.க. மேல்நிலைப் பள்ளி உட்பட முதல் ஐந்து நவீன (ஸ்மார்ட் வகுப்பறைகளை டாக்டர் பழனிவேல் தியாகராஜன் மற்றும் திரு.ஜெகதீசன் ஆகியோர் இணைந்து இன்று திறந்து வைத்தனர். விழாவில் அமைச்சர் பழனிவேல் தியாகராஜன் பேசுகையில், மதுரையில் 5 பள்ளிகளுக்கு பெரும் தொகையில் நவீன வகுப்பறை கட்டி கொடுத்துள்ள எச்டிஎப்சி வங்கி நிர்வாக இயக்குனர் சசிதர் ஜெகதீசன் மற்றும் நிர்வாகிகளை வரவேற்பதில் மகிழ்ச்சி அடைகிறேன். தமிழ்நாடு அரசின் முக்கியமான கொள்கை கல்வி. அதுவும் சாமானியர்கள். பெண்களுக்கு கல்வி வழங்குவதில் குறிக்கோளக இருக்கிறோம். எச்டிஎப்சி வங்கி, இரண்டு, மூன்று மாதங்களிலேயே பள்ளிகளின் தேவை அறிந்து, அந்தந்த பள்ளிக்கு தேவையானதைச் செய்து கொடுத்துள்ளதுடன், இதுவரை இல்லாத தொழில்நுட்பத்தை, வாய்ப்புகளை அரசுப் பள்ளி மாணவர்களுக்கு அளிப்பதில் துரிதமாகவும், சிறப்பாகவும் செயல்பட்டுள்ளார்கள். அதற்கு எனது வாழ்த்துகளையும் பாராட்டுக்களையும் தெரிவித்துக் கொள்கிறேன், என்றார்.மேலும் அவர் பேசுகையில், நீண்டகால தேவைகளை வெகு விரைவில் அமைத்துக் கொடுத்துள்ள எச்டிஎப்சி வங்கிக்கு பாராட்டுகள். இந்த திட்டத்தில் பணியாற்றிய அனைவருக்கும் பாராட்டுகள். இதனை தொடக்கமாகவே பார்க்கிறேன். இன்னும் நிறைய செய்ய வேண்டும். அதற்கு எனது ஒத்துழைப்பு உண்டு. கல்விக்காக செய்துள்ள இந்த காரியத்துக்காக மீண்டும் ஒருமுறை நன்றி தெரிவித்துக் கொள்கிறேன், என்றார்.“பரிவர்தன், நமது CSR திட்டமானது, சமூகத்தில் நிலையான மாற்றத்தை ஏற்படுத்த ஒரு முன் உதாரணமாக செயல்படுகிறது. தரமான கல்வியை அதிகமான மாணவர்களுக்குக் கிடைக்கச் செய்வது இந்த முயற்சியின் ஒரு பகுதியாகும், மேலும் இந்த முயற்சியில் தமிழக அரசுக்கு ஆதரவளிப்பதில் நாங்கள் மகிழ்ச்சியடைகிறோம்,” என்று எச்டிஎஃப்சி(HDFC) வங்கியின் நிர்வாக இயக்குநர் மற்றும் (CEO) திரு. சஷிதர் ஜெகதீசன் கூறினார். இந்த நவீன(ஸ்மார்ட்) பள்ளி ஐந்து முக்கிய கூறுகளைக் கொண்டுள்ளது: 1. வகுப்பறைகளில் நவீன(ஸ்மார்ட்) இன்டராக்டிவ் பேனல்கள், மாணவர்களுக்கான மேசை மற்றும் நாற்காலிகள், வகுப்பறைகளை அழகுபடுத்துதல், பழுதுபார்த்தல் மற்றும் வெள்ளை அடித்தல்.2. உள்கட்டமைப்பை பழுது பார்த்தல், புதுப்பித்தல் மற்றும் அறிவியல் ஆய்வகத்தை மேம்படுத்துதல். 3. மாணவ, மாணவிகளுக்கான கழிப்பறைகளை சீரமைப்புச் செய்தல். 4. சுகாதாரமான தரத்துடன் கூடிய குடிநீர் (UV அடிப்படையில்) வழங்குதல். 5. புத்தகங்கள் மற்றும் உள்கட்டமைப்புடன் கூடிய நூலகத்தை மேம்படுத்துதல்/ வழங்குதல். சமூகத்தின் பொருளாதார ரீதியாக பின்தங்கிய சமூகத்தை சார்ந்த மாணவர்களுக்கான வசதிகளை மேம்படுத்துவது, பள்ளிகளின் கல்வித் தரத்தை மேம்படுத்த தமிழக அரசு தொழில்நுட்பத்தை பயன்படுத்துகிறது.எச்டிஎஃப்சி(HDFC) வங்கி பரிவர்தன் திட்டத்தின் கீழ் கல்வியை மையமாகக் கொண்டு இந்த முயற்சியில் எச்டிஎஃப்சி(HDFC) வங்கி கூட்டு சேர்ந்துள்ளது. இந்தத் திட்டம் தமிழ்நாட்டில் உள்ள தன்னார்வ தொண்டு நிறுவனம், DHAN அறக்கட்டளை மற்றும் தேசிய ஆர்கோ அறக்கட்டளை ஆகியவற்றின் ஆதரவுடன் செயல்படுத்தப்படுகிறது. எச்டிஎஃப்சி(HDFC) வங்கி அதன் நிலையான வாழ்வாதார முன் முயற்சி (SLI) மூலம் 8 லட்சம் பயனாளிகளை அடையாளம் கண்டுள்ளது. SLI என்பது முறையான வங்கிச் சேவைகளை அணுக முடியாத சமூகப் பிரிவினருக்கு நிதி உதவியை வழங்குவதை நோக்கமாகக் கொண்ட ஒரு முழுமையான அணுகு முறையாகும். இது, திறன் மேம்பாடு மற்றும் பயிற்சியை உள்ளடக்கியது, பின்னர் வாழ்வாதார நிதி மூலம் பூர்த்தி செய்யப்படுகிறது. இது அனைத்து மகளிர் சுய உதவிக் குழுக்கள் (SHG) மற்றும் கூட்டுப் பொறுப்புக் குழுக்கள் (JLG) குடும்பங்கள் வறுமையிலிருந்து மீள உதவும். சாதனையை நினைவுக் கூறும் வகையில், டாக்டர் தியாகராஜன் மற்றும் திரு ஜெகதீஷன் ஆகியோர் 7 SHGகள் மற்றும் JLGகளுக்கு காசோலைகளை வழங்கினர். இந்த முயற்சி 2006 ஆம் ஆண்டு தமிழ்நாட்டில் தொடங்கப்பட்டது. இது இப்போது மாநிலத்தில் உள்ள 39 மாவட்டங்களில் பரவியுள்ள 16,000 கிராமங்களை உள்ளடக்கியது.

maduraiTimesXP TamilUpdated: 23 Jan 2023, 8:16 pm