மதுரை திருப்பரங்குன்றத்தில் வைகாசி விசாகம் கோலாகலம்!
1034 views
Subscribe மதுரை videosமதுரை ஜீன் : 02 , மதுரை திருப்பரங்குன்றம் அருள்மிகு சுப்பிரமணிய சுவாமி திருக்கோயில் வைகாசி விசாக உற்சவம் இன்று கோலாகலமாக நடைபெற்றது. விழாவில் பல்லாயிரகணக்கான பக்தர்கள் பங்கேற்று அரோகரா கோஷம் முழங்கிட சுவாமி தரிசனம் செய்தனர்.முருகனின் ஆறுபடை வீடுகளில் முதற்படை வீடான மதுரை திருப்பரங்குன்றம் அருள்மிகு ஸ்ரீ சுப்பிரமணிய சுவாமி திருக்கோயிலில் நடைபெறும் சிறப்பு பெற்ற விழாக்களில் ஒன்றான வைகாசி விசாகத் திருவிழாவை முன்னிட்டு இன்று அதிகாலை முதல் பல்லாயிரகணக்கான பக்தர்கள் பால்குடம் சுமந்து வந்து “ அரோகரா " கோஷம் முழங்கிட சுவாமி தரிசனம் செய்தனர் .முன்னதாக அதிகாலையில் சண்முகர் சன்னதியில் எழுந்தருளிய ஆறுமுகங்களை கொண்ட சண்முகர் மற்றும் வள்ளி , தெய்வானைக்கு சிறப்பு பாலாபிஷேகமும் , தொடர்ந்து கோயில் விசாக கொறடு மண்டபத்தில் எழுந்தருளிய சண்முகருக்கு தங்கக் குடத்தில் பால் அபிஷேகமும் நடத்தப்பட்டது.மேலும், ஆயிரக்கணக்கான பக்தர்கள் நேர்த்திக்கடன் செலுத்தும் வகையில் கொண்டு வந்த பால்குடங்கள் மூலமும் முருகபெருமானுக்கு சிறப்பு அபிஷேகமும் செய்யப்பட்டது.மேலும் , பக்தர்கள் நேர்த்திக்கடன் செலுத்தும் பொருட்டு மதுரை மற்றும் சுற்று வட்டாரத்தை சேர்ந்த ஏராளமான பக்தர்கள் பறவை காவடி , இளநீர்காவடி . புஷ்பகாவடி , பன்னீர் காவடி ஆகியவை எடுத்து வந்து “ அரோகரா " கோஷம் முழங்கிட முருகபெருமானை தரிசித்தனர்.வைகாசி விசாக திருவிழாவில் மதுரை உள்ளிட்ட அருகில் உள்ள பல்வேறு மாவட்டங்களில் இருந்தும் பல்லாயிரக்கணக்கான பக்தர்கள் திருப்பரங்குன்றம் வந்திருந்து சுவாமி தரிசனம் செய்த நிலையில் திருப்பரங்குன்றம் மற்றும் சுற்று மலைப்பகுதிகள் எங்கும் பக்தர்கள் கூட்டம் அதிகமாக காணப்பட்டது.விழாவையொட்டி திருப்பரங்குன்றம் பகுதியில் போக்குவரத்தில் மாற்றம் செய்யப்பட்டு இருந்ததுடன், காவல்துறை பாதுகாப்பும் பலப்படுத்தப்பட்டு இருந்தது.
Related Videos
கள்ளழகர் ரிட்டர்ன்ஸ்...விண்ணை பிளந்த கோவிந்தா கோஷம்!மதுரை
ராகுலுக்கும் ஓகே.. மோடிக்கும் ஓகேவா.? ஆதரவை தெரிவித்த செல்லூர் ராஜு..மதுரை
திமுக திட்டமிட்டே குற்றம் சாட்டுறாங்க - இபிஎஸ்மதுரை
நகைச்சுவையாக பேசிய செல்லூர் ராஜு..மதுரை
மதுரை மீனாட்சி கோயில் சித்திரை திருவிழா ஆரம்பிச்சிருச்சு.. துவக்க விழா கோலாகலம்..மதுரை
200 மாணவ மாணவிகள் பங்கேற்ற சிலம்பப் போட்டிமதுரை
சென்னையில் இந்திய ஐக்கிய கம்யூனிஸ்ட் கட்சியின் மாநில மாநாடுமதுரை
கோயிலுக்கு பூட்டு.. பூசாரிகள் ஆட்சியரிடம் மனு.!மதுரை
8 மணி நேரமாக போராட்டம் நடத்திய மாற்றுத்திறனாளிகள்மதுரை
ஏடகநாதர் கோவிலில் தெப்ப திருவிழாமதுரை
மதுரையில் கலைஞர் நூற்றாண்டு ஏறுதழுவுதல் அரங்கம்மதுரை