நாகரீக குடிமகன் நடத்திய நாடகம் அல்லோலப்பட்ட காவல்துறைமதுரை மாநகரின் மையப்பகுதியில் நடுரோட்டில் படுத்து உருண்ட நாகரீகக் குடிமகன்- ஒரு மணிநேரம் அட்டகாசம்இருசக்கர வாகனத்தில் மது அருந்தி ஃபுல் போதையில், கையில்ஃபுல் பாட்டிலோடு சொகுசாக ஓட்டிவந்தவரை நிறுத்தியதற்காக, நடுரோட்டில் அங்கபிரதட்சணம் செய்து ஒரு மணிநேரம் பெரியார் பேருந்து நிலையம் கட்டபொம்மன் சிலைஅருகே அட்டகாசம் செய்த நபர் . விசாரணையில் மதுரை மாநகரில் ஆயுள் காப்பீட்டு பணியாளரான கார்த்திக் என்பவர்தான் இவர் எனத்தெரிந்தது லைசென்ஸ் எங்கே என்று கேட்டதற்கு நீங்கதானே வாங்கிவைச்சிருக்கீங்க அதக்கொடுங்க... முதல்ல என்னுடைய செல்போனக் கொடுங்க என தொடர்ந்து கேட்டுக் கொண்டே.. பெரியார் பேருந்து நிலையம் கட்டபொம்மன் சிலை அருகே , தண்ணி தொட்டி தேடி வந்த கண்ணுகுட்டி நான் என்று பாடாத குறையாக , தன் கையில் இருந்த பாட்டிலை நடுரோட்டில் போட்டு உடைத்து விட்டு, விறுவிறுவென மக்கள் வாகனப் போக்குவரத்து நெரிசல் மிகுந்த பகுதியில் நடுரோட்டில் படுத்து உருண்டார். அவரை எழுப்பிவிட போக்குவரத்து மற்றும் சட்டம் ஒழுங்கு போலீசாரின் போராட்ட நிலைமைதான் பரிதாபமாக இருந்தது. நாகரீகக் குடிமகன் நடத்திய நாடகத்தால் ஒரு மணிநேரம் அப்பகுதியே அல்லோலப்பட்டதுஇந்த குடிமகன் தனது மனைவியுடன் ஏற்பட்ட தகராறில் கையில் கண்ணாடியை உடைத்து காயம் அடைந்ததையும் கூறியுள்ளார். படித்த மேதாவியாக, செல்வச்சீமானாக தம்மைப் பற்றி பீலா விட்டுக்கொண்டு இருந்த நபர் லைசென்ஸ் எங்கே என்றால் நீங்கள் தான் வாங்கி வைச்சீங்க என்பவரிடம் நாங்க எப்பய்யா வாங்கினோம் என்ற புலம்பிய போலீசாரையே மிரளவைக்கும் விதமாக போன வாரம் டிடி (Drunk&Drive) போட்டீங்கள்ள தெப்பக்குளம் ஸ்டேசன்ல என்று சொன்னதுதான் ஹைலைட்...