குமாரபாளையம் கோட்டைமேடு அம்மன் கோவிலில் திருட்டு!
1070 views
Subscribe தமிழ்நாடு videosநாமக்கல் மாவட்டம் குமாரபாளையம் அருகே பிரசித்தி பெற்ற கோட்டைமேடு அம்மன் கோவில் உண்டியலை உடைத்து பணம் நகை கொள்ளை. போலீசார் விசாரணை. இக் கோவிலில் தொடர் கொள்ளை நடைபெறுவதாகவும் CCTV கேமரா பழுதை 2 ஆண்டுகளாக கோவில் நிர்வாகத்தினர் சரி செய்யாதது குற்றவாளிகள் தப்பிக்க காரணம் என பொதுமக்கள் புகார் தெரிவித்தனர்.நாமக்கல் மாவட்டம் குமாரபாளையம் அருகே உள்ள நூற்றாண்டு பழமை வாய்ந்த கோட்டைமேடு பத்ரகாளி அம்மன் கோவில் உள்ளது. இக்கோவில் மிகவும் பிரசித்தி பெற்ற கோவிலாகும். சுமார் 36 கிராமங்களுக்கு சொந்தமான இந்த கோவில், இப்பகுதி மக்களின் இஷ்ட தெய்வமாகவும் ஊர் காவல் தெய்வமாகவும் விளங்கி வருகிறது. ஆண்டுதோறும் மாசி மாதம் திருவிழா வெகு விமர்சையாக நடைபெறுவது வழக்கம். மேலும் செவ்வாய்க்கிழமை, வெள்ளிக்கிழமை, அமாவாசை, பௌர்ணமி போன்ற தினங்களிலும் சிறப்பு வழிபாடுகள் நடைபெறும். இந்த கோவிலில் பரம்பரை பூசாரிகளாக ஒரு குடும்பத்தினர் இருந்து வருகின்றனர். இந்நிலையில் நேற்று வழக்கம்போல் கோவிலின் பூசாரி வேல்மணி பூஜைகளை முடித்துக் கொண்டு இரவு பூட்டிவிட்டு சென்றுவிட்டார். இரவு காவலர் ராஜன் என்பவர் மட்டும் கோவிலின் உள்ளே பாதுகாப்பிற்காக படுத்துக் கொண்டார். இந்நிலையில் இன்று அதிகாலை ராஜன் எழுந்து பார்த்த பொழுது தனது அருகில் இருந்த செல்போனும் காணவில்லை என தேடிய பொழுது கோவிலின் பின்பக்க நுழைவு வாயில் உடைக்கப்பட்டு, கோவில் மண்டபத்தில் இருந்த உண்டியல் உடைக்கப்பட்டு, அதிலிருந்து நகை பணம் திருடப்பட்டு இருந்தது கண்டு அதிர்ச்சி அடைந்தார். இதனை அடுத்து கோவில் நிர்வாகிகளுக்கு தகவல் அளித்ததுடன், காவல்துறைக்கும் தகவல் அளித்தார். விரைந்து வந்த போலீசார் இது குறித்து வழக்கு பதிவு செய்து விசாரணை மேற்கொண்டு வருகின்றனர். கோவிலில் மாசி மாத திருவிழா முடிந்து இதுவரை உண்டியல் திறக்கப்படாத நிலையில் கோவிலின் உண்டியலில் சுமார் 2 லட்சத்து 50 ஆயிரம் ரூபாய் ரொக்கமும், சுமார் ஐந்து பவுன் நகையும் இருக்கக்கூடும். இதனைத் தெரிந்த ஒரு சிலரே கொள்ளையில் ஈடுபட்டிருக்க கூடும் என்றும் கடந்த வருடம் இதே போல் கொள்ளை போனதை இது வரை காவல்துறையினர் கண்டுபிடிக்க முடியாத நிலையில் இக் கோவிலில் தொடர் கொள்ளை நடைபெறுவதாகவும் CCTV கேமரா பழுதை 2 ஆண்டுகளாக கோவில்நிர்வாகத்தினர் சரி செய்யாதது குற்றவாளிகள் தப்பிக்க காரணம் என பொதுமக்கள் என தெரிவித்தனர்.
Related Videos
நீர்வரத்து குறைவு...ஏமாற்றத்தில் சுற்றுலா பயணிகள்திருச்சி
அரவிந்த் கெஜ்ரிவால் கைது கூட்டணிக்கு பின்னடைவா? திருமாவளவன் பேட்டி!திருச்சி
"சவுக்கு அப்படி பேசியிருக்க கூடாது" வருத்தப்பட்ட சீமான்!சென்னை
குளிர்ச்சியான ஸ்ரீவில்லிபுத்தூர்...திடீரென இடியுடன் பெய்த மழை!விருதுநகர்
சவுக்கு சங்கரை எதுக்கு கைது பண்ணீங்க?..ஜெயகுமார் ஆவேசம்!சென்னை
பவானி ஆற்றில் குளிக்க தடை!கோவை
தோப்புக்குள் புகுந்து பயமுறுத்திய காட்டு யானை!திருநெல்வேலி
7 ஆண்டுக்கு பிறகு நடைபெற்ற முருகர் கோயில் வேல் பூஜை விழா.!விழுப்புரம்
முத்து பல்லக்கில் அம்மன் திருவீதி உலா..!திருச்சி
105வது பிறந்தநாள்..பாட்டியிடம் ஆசிர்வாதம் வாங்கிய 5 தலைமுறைகள்!தூத்துக்குடி
கோவையில் மழை வேண்டி இஸ்லாமியர்கள் சிறப்பு தொழுகை!கோவை