ஊழியர்களுக்கு பணம் கொடுத்தால் அதிக நேரம் தண்ணீர் திறந்து விடுவதாக பரபரப்பு!

Name: ஊழியர்களுக்கு பணம் கொடுத்தால் அதிக நேரம் தண்ணீர் திறந்து விடுவதாக பரபரப்பு!
Uploaded: 2023-04-28T15:29:45+05:30
Duration: 3 min 10 s
Channel: Palanikumar M

1091 views

Subscribe கரூர் videos

Like
Comment
Share

கரூர் மாநகராட்சி சாதாரண கூட்டம் மற்றும் அவசர கூட்டம் மாநகராட்சி கூட்டரங்கில் இன்று நடைபெற்றது. மேயர் கவிதா கணேசன் தலைமையில் நடைபெற்ற இந்த கூட்டத்தில் 48 வார்டு கவுன்சிலர்கள், துணை மேயர், ஆணையர் உள்ளிட்ட அனைத்து துறை அதிகாரிகள் கலந்து கொண்டனர். அப்போது பல்வேறு வளர்ச்சி திட்டங்கள் தொடர்பான தீர்மானங்கள் வாசிக்கப்பட்டது. திமுக கவுன்சிலர்கள் தங்கள் வார்டுக்கு உட்பட்ட பகுதிகளில் 15 நாட்களுக்கு ஒரு முறை குடிநீர் வரும் நிலை இருப்பதால் மற்ற வளர்ச்சி திட்டங்களை காட்டிலும், குடிநீர் பிரச்சினையை தீர்க்க போர்க்கால அடிப்படையில் நடவடிக்கை எடுக்க வேண்டும் என கோரிக்கை வைத்தனர். இந்த கோரிக்கைக்கு ஆதரவாக திமுக, அதிமுக, காங்கிரஸ், இந்திய கம்யூனிஸ்ட் கட்சிகளை சாந்த மாமன்ற உறுப்பினர்கள் ஒருவருக்கு ஒருவர் குரல் எழுப்பினர். அப்போது, கவுன்சிலர்கள் ஒருவருக்கு ஒருவர் வாக்குவாதத்தில் ஈடுபட்டதால் கூட்டரங்கம் பரபரப்பாகியது. மேயர் கவிதா கணேசன் வரும் காலங்களில் குடிநீர் பிரச்சினைக்கு முக்கியத்துவம் அளிப்பதுடன், அவற்றை தீர்ப்பதற்கான முடிவு எடுக்கப்படும் என தெரிவித்தார். மேலும், மாநகராட்சி அலுவலர்கள் உறுப்பினர்களின் புகார்களுக்கு செவி சாய்ப்பது இல்லை என்றும், பிரச்சினைகளை தீர்க்க அதிகப்படியான பணியாளர்களை நியமிக்க வேண்டும், பாரபட்சம் இல்லாமல் அனைத்து வார்டுகளுக்கும் குடிநீர் வழங்க நடவடிக்கை எடுக்கப்பட வேண்டும் என பேசினார்.கூட்டத்தில் 48வது வார்டு திமுக கவுன்சிலர் வேலுச்சாமி பேசுகையில், தங்கள் பகுதியில் குறைந்த அளவு மட்டுமே தண்ணீர் திறந்து விடப்படுவதாகவும், தண்ணீர் திறந்து விடும் நபருக்கு 100 ரூபாய் கொடுத்தால் அவர் 5 மணி நேரம் தண்ணீர் திறந்து விடுவதாகவும் குற்றம் சாட்டினார். இதனால் கவுன்சிலர் கூட்டத்தில் பரபரப்பு ஏற்பட்டது.

karurTimesXP TamilUpdated: 28 Apr 2023, 3:29 pm