கனிமொழியை சீண்டிய MR விஜயபாஸ்கர்பாட்டிலுக்கு 10 ரூபாய் என மதுபானம் பார்களில் மட்டும் 100 கோடி கொள்ளை அடிப்பதாக கரூரில் அதிமுக சார்பில் நடைபெற்ற கண்டன ஆர்ப்பாட்டத்தில் முன்னாள் அமைச்சர் எம் ஆர் விஜயபாஸ்கர் பரபரப்பு பேச்சு.கரூரில் முன்னாள் அமைச்சர் எம்.ஆர்.விஜயபாஸ்கர் தலைமையில் திமுக அரசு கண்டித்து கண்டன ஆர்ப்பாட்டம் நடைபெற்றது இதில் தமிழகத்தில் கள்ளச்சாராயம், கஞ்சா மற்றும் போலி மதுபானங்களால் இறப்பு, கொலை, கொள்ளை வழிப்பறி உள்ளிட்ட சட்டம்-ஒழுங்கு சீர்கேடுகளை கட்டுப்படுத்த தவறிய திமுக அரசை கண்டித்து கரூர் மாவட்ட அதிமுக சார்பில் முன்னாள் அமைச்சர் எம்.ஆர்.விஜயபாஸ்கர் அவர்கள் தலைமையில் கரூர் தலைமை தபால் நிலையம் அருகில் மாபெரும் கண்டன ஆர்ப்பாட்டம் நடைபெற்றது. இதில் அதிமுக தொண்டர்கள் பொதுமக்கள் என 1000 க்கும் மேற்பட்டோர் கலந்து கொண்டு கண்டன கோஷம் எழுப்பினர்.அப்போது பேசிய முன்னாள் அமைச்சர் எம்.ஆர்.விஜயபாஸ்கர், இந்திய துணை கண்டத்தில் பிரசிதி பெற்ற நகரம் கரூர். தற்போது அது நாறி கொண்டிருக்கிறது. கள்ளச் சாராயத்திற்கு பெயர் போன அனைச்சர் இங்கு இருக்கிறார். கரூர் சரக்கு என்றால் தமிழகம் முழுவதும் கிடைக்கிறது. மக்கள் பணி செய்யும் முதலமைச்சர் மஞ்சள் பனியன் அணிந்து கிரிக்கெட் பார்த்துக் கொண்டிருக்கிறார். வருமான வரித்துறை சோதனையின் போது பெண் அதிகாரியை திமுக பெண் குண்டர்கள் தாக்கியதை நீங்கள் பார்த்து இருக்கிறார்கள். இதனை திராவிட மாடல் அரசு வேடிக்கை பார்த்து கொண்டிருக்கிறது. டிபார்ட்மெண்ட் வாரியாக கொள்ளை அடிப்பதை கற்றுத் தருபவர் இந்த அமைச்சர். திமுக கட்சியில், அதை விட பெரிய திருடன் இருக்கிறார். அமைச்சரை மாற்றினால், ஆட்சி போய் விடும் என்பதற்காக அமைச்சரை மாற்றாமல் இருக்கிறார் முதல்வர். குவாட்டருக்கு 10 ரூபாய் என பாரில் மட்டும் 100 கோடி கொள்ளை அடிக்கிறார்கள். பாரை குத்தகைக்கு விட்டு அதன் முழு தொகையும் அரசுக்கு வரும் அது கடந்த ஆட்சி. ஆனால், இந்த ஆட்சியில் கரூர் கம்பெனி என்ற பெயரில் ஒப்பந்தத்திற்கு பார் விடாமல் இவர்கள் 100 கோடி கொள்ளை அடிக்கிறார்கள்.தமிழகம் முழுவதும் கடந்த ஆட்சி காலத்தில் 5300 கடைகளுக்கும் பில் போட்டு தான் மதுபானங்கள் விற்பனை செய்யப்பட்டது. அனல் தற்போது ஊழல் செய்வதில் பி.எச்.டி பட்டம் பெற்றவர் நம்ம ஊர் அமைச்சர். போக்குவரத்து துறையில் 38,000 பேருக்கு பணம் பெற்றுக் கொண்டு தகுதியானவருக்கு வேலை கொடுக்கவில்லை. அந்த வழக்கு விசாரணையில் உள்ளது. அமைச்சர் தவறு செய்தால் முதல்வர் நடவடிக்கை எடுக்க வேண்டும். அது கடந்த ஆட்சி காலத்தில் நடந்தது. ஆனால், சிறையில் இருப்பவர்கள் வெளியே விடுபவர் திமுகவினர். சாராயம் ஆறாக ஓடுகிறது தமிழகத்தில். டி.ஜி.பி சொல்வது பொய்யா, கள்ளச்சாராயம் பிடித்து கொடுத்து வழக்கு போடுவது பொய்யா என்பதை விளக்க வேண்டும் என பேசினார்.