குவாரி மீது நடவடிக்கை எடுக்க கோரி பொதுமக்கள் காவல் நிலையத்தில் மனு
1035 views
Subscribe கரூர் videosகரூர் மாவட்டம் தென்னிலை அருகே அய்யம்பாளையம் கிராமத்தைச் சேர்ந்த சுமார்50 க்கும் அதிகமான பொதுமக்கள் அந்த பகுதியில் தனியாருக்கு சொந்தமான குவாரி குறித்து தென்னிலை காவல் நிலையத்தில் அளித்த மனுவில் கூறியுள்ளதாவது,அய்யம்பாளையத்தில் 40க்கும் மேற்பட்ட குடும்பங்கள் விவசாயம் மற்றும் கால்நடை மேய்ப்பு தொழில் செய்து வருகிறார்கள். எங்கள் கிராமத்தில் ஸ்ரீ வெங்கட்ரமணசுவாமி புளு மெட்டல்ஸ் என்ற பெயரில் கல்குவாரி நிறுவனம் நடத்தி வருகிறார்கள். மேற்படி நிறுவனமானது ஆரம்ப காலத்தில் இருந்து எவ்வித விதிமுறைகளையும் கடைபிடிக்காமல் விவசாய நிலங்கள், கால்நடை மேய்ப்பு நிலங்கள் மற்றும் நீர் நிலைகளுக்கு பாதிப்பை ஏற்படுத்தி இயங்கி வந்தது. மேலும் சீலம்பட்டி மற்றும் அய்யம்பாளையம் அருகே நொய்யல் ஆற்று பாசன கால்வாயின் குறுக்கே விவசாய பயன்பாட்டிற்காக கட்டப்பட்டுள்ள சிறுபாலத்தில் குவாரிக்கு சொந்தமான 10 மற்றும் 12 சக்கரங்கள் கொண்ட கனரக வாகனங்கள் 40-50டன் எடைகளுடன் பெரிய அளவிலாக பாறை கற்களை ஏற்றி செல்வதனால் பொது சொத்தான மேற்படி பாலம் சேதமடைந்துவிட்டன. மேலும் கல்குவாரிக்கு சொந்தமான இடத்தில் உள்ள கிணற்றில் எவ்வித உரிய அனுமதியும் இன்றி ஒரு நாளைக்கு சுமார் 3 1/2 லட்சம் லிட்டர்கள் வரை தண்ணீரை எடுத்து சென்று எம்-சாண்ட் தயாரிப்பதற்கு பயன்படுத்தி வருகிறார்கள். இதனால் சுற்றுப்பகுதிகளில் உள்ள கிணறுகள் மற்றும் ஆழ்துளை கிணறுகளில் தண்ணீர் வற்றிபோய்விட்டது. அய்யம்பாளையத்திலிருந்து சேர்வகாரன்பாளையம் வரை சாலையின் இரண்டு புறமும் மழைநீர் வடிகால் மற்றும் கழிவுநீர் வெளியேறுவதற்கான வடிகால் வழித்தடம் அமைக்கப்பட்டிருந்த்து. கல்குவாரிக்கு சொந்தமான ஹிட்டாச்சி இயந்திரம் மற்றும் டிப்பர் லாரிகளை பயன்படுத்தி சாலையின் இருபுறமும் இருந்த வடிகாலை மூடிவிட்டு அந்த சாலையில் எம்-சாண்ட் கழிவுகளையும், ஜல்லிகளையும் கொண்டு பொது சாலையில் கொட்டி சேதப்படுத்தியுள்ளனர். இதனால் மேற்படி சாலையானது கரடு முரடாக காட்சியளிக்கிறது. மேற்படி நிறுவனத்தின் விதிமீறல்கள் சம்மந்தமாக கிராம பொதுமக்கள் பலர் அதிகாரிகளுக்கு புகார் அளித்தும் எந்த நடவடிக்கையும் மேற்கொள்ளவில்லை. இது குறித்து அரசு அதிகாரிகளிடம் புகார் அளித்த கிராமத்தினரையும் குவாரி உள்ளவர்கள் மிரட்டுகின்றனர். எனவே, கல் குவாரி நிறுவனம் அதன் பங்குதாரர்கள் மற்றும் நிறுவனத்தில் பணிபுரியும் மேற்படி நபர்கள் மீது தக்க நடவடிக்கை எடுக்குமாறு அந்த மனுவில் தெரிவித்துள்ளனர்.
Related Videos
மலையாள பகவதி அம்மன் கோவில் தேரினை தோளில் தூக்கி வலம் வந்த இளைஞர்கள்!கரூர்
கரூர்: உறங்கிக் கொண்டிருந்தவர்களிடம் முகமூடி கொள்ளையன் கைவரிசை.. சிசிடிவி காட்சி வெளியாகி பரபரப்பு..கரூர்
மக்களின் தாகம் தீர்க்க நீர் மோர் பந்தல்...திமுகவினர் ஏற்பாடு!கரூர்
40க்கு 40 இந்தியா கூட்டணிக்கு வெற்றி - ஜோதிமணிகரூர்
கரூரில் அண்ணாமலை பேட்டி..கரூர்
எங்கள் வாக்கு விற்பனைக்கு அல்ல..!கரூர்
கல்யாண பசுபதீஸ்வரர் ஆலயத்தில் தை மாத பிரதோஷ விழாகரூர்
பணியை புறக்கணித்து உள்ளிருப்பு போராட்டம்கரூர்
கடன் வழங்க கோரி ஆட்சியரிடம் மனுகரூர்
காற்றாலை மின் கோபுரம் அமைக்க கிராம மக்கள் எதிர்ப்புகரூர்
வட்டாட்சியரை முற்றுகையிட்டு போராட்டம்கரூர்