நாகர்கோவிலுக்கு அரிவாளுடன் சென்று தாய், தங்கையை மிரட்டிய மகன்: வைரல் வீடியோ!கன்னியாகுமரி மாவட்டம் நாகர்கோயில் ராமன் புதூர் பகுதியைச் சேர்ந்தவர் நாகராஜன். இவரது தந்தை ஏற்கனவே மரணம் அடைந்த நிலையில், தனது தாயார் பிரேமா மற்றும் சகோதரி அடங்கிய தன் குடும்பத்துடன் வசித்து வந்தார். இவர் அப்பகுதியில் பானி பூரி விற்பனை செய்து வரும் நிலையில், சில மாதங்களுக்கு முன்பு ஒரு பெண்ணை காதல் திருமணம் செய்து கொண்டு மனைவியுடன் தற்போது தனியாக வசித்து வருகிறார். இந்நிலையில், தனக்கு செலவுக்காக தாயாரிடம் பணம் கேட்டதாக தெரிகிறது. ஆனால், தாயார் பணம் கொடுக்க மறுத்ததால் அவரோடு தகராறு செய்துள்ளார். பின்னர் மது குடித்துவிட்டு நண்பருடன் அரிவாளை கையில் ஏந்தி தாயார் வீட்டுக்கு சென்ற நாகராஜன் தாயாரையும் சகோதரியையும் அரிவாளை காட்டி மிரட்டியுள்ளார். மட்டுமின்றி, தெருவில் அரிவாளை சுழற்றியபடி, தாயாருக்கு எதிராக மிரட்டல் தொனியில் பேசியவாறே சென்றுள்ளார். ஈதற்போது தலைமறைவாக உள்ள நாகராஜனை தீவிரமாக தேடி வருகின்றனர். இச்சம்பவம் குறித்த வீடியோ தற்போது சமூக வலைத்தளங்களில் வேகமாக பரவி பரபரப்பை ஏற்படுத்தி வருகிறது.