காஞ்சிபுரம் நுழையும் சாலையில் மின்விளக்குகள் மின்விளக்கு இல்லை;வாகன ஓட்டிகள் அவதி !

Name: காஞ்சிபுரம் நுழையும் சாலையில் மின்விளக்குகள் மின்விளக்கு இல்லை;வாகன ஓட்டிகள் அவதி !
Uploaded: 2023-06-16T10:43:50+05:30
Duration: 1 min 47 s
Channel: Palanikumar M

1026 views

Subscribe காஞ்சிபுரம் videos

Like
Comment
Share

கோவில் நகரமான காஞ்சிபுரம் மாநகருக்கு நாள்தோறும் ஆயிரக்கணக்கான மக்கள் வந்து செல்கின்றனர்.அதே போல் பணிநிமிர்த்தமாக பல்வேறு பகுதிகளிலிருந்தும் ஏராளமானோர் வந்து செல்கின்றனர்.இவர்கள் வந்து செல்லக்கூடிய சாலையாக சென்னை-பெங்களூரு தேசிய நெடுஞ்சாலையிலிருந்து காஞ்சிபுரம் மாநகருக்குள் நுழையும் சாலையாக பொன்னேரிக்கரை சாலை இருந்து வருகிறது.அதே போல் காஞ்சிபுரம் மாவட்டத்தில் சுங்குவார்சத்திரம் ,ஸ்ரீபெரும்புதூர் ,ஒரகடம் ,இருங்காட்டுகோட்டை ,தண்டலம், படப்பை உள்ளிட்ட பகுதிகளில் ஆயிரக்கணக்கான தொழிற்சாலைகள் இயங்கி வருகின்றது. காஞ்சிபுரம் நகரை சுற்றிலும் ஏராளமான தொழிலாளர்கள் வாடகை வீடு எடுத்து தங்கி மேற்கண்ட ஊர்களில் உள்ள தொழிற்சாலைகளில் பணிபுரிந்து வருகின்றார்கள்.காஞ்சிபுரத்தில் இருந்து இந்திராநகர்-பொன்னேரிக்கரை நெடுஞ்சாலை வழியாக ஆயிரக்கணக்கான பொதுமக்கள் சென்னைக்கும், மேற்கண்ட பகுதிகளுக்கும் சென்று வருகின்றனர். மேலும் சென்னை-பெங்களூரு தேசிய நெடுஞ்சாலையை இணைக்கும் சாலையாக இந்த சாலை விளங்குகின்றது.இந்நிலையில் காஞ்சிபுரம் இந்திரா நகர் பகுதியிலிருந்து பொன்னேரிக்கரை சந்திப்பு வரை சுமார் 1கிலோமீட்டர் தூரம் வரையுள்ள எவ்வித மின்விளக்குகளும் நாட்கள் கணக்கில் எரியப்படாத நிலையானது இருந்து வருகிறது.மின்விளக்குகள் கடந்த சில மாதங்களாக எரியாததால் அந்த பகுதி வழியாக வேலைக்கு சென்றுவிட்டு வீடு திரும்புவோர் அடிக்கடி விபத்துக்கள் ஏற்படும் நிலையானது ஏற்படுகிறது.மேலும் கஞ்சா, மதுபான விற்பனை, அடிதடி போன்ற சமூக விரோத செயல்களும் ,செயின் பறிப்பு சம்பவங்களும் , இருட்டை பயன்படுத்தி பாலியல் சீர்கேடுகளும் நடைபெற்று வருகின்றது.காஞ்சிபுரத்தில் இருந்து சென்னை-பெங்களூருக்கு செல்லும் மாநில நெடுஞ்சாலையில் சாலை விளக்குகள் எரியாததால் சென்னை-பெங்களூர் தேசிய நெடுஞ்சாலைக்கு இருசக்கர வாகனத்தில் செல்பவர்கள் மிகவும் சிரமப்பட்டு செல்கின்றார்கள்.அந்த வழியாக செல்பவர்கள் தினந்தோறும் அச்சத்தில் மூழ்கி விபத்தில் உள்ளாகி வருகின்றனர்.எனவே உடனடியாக பழுதடைந்த மின் விளக்குகளை உடனடியாக சீரமைத்து தர வேண்டும் என தினந்தோறும் அந்த வழியே செல்லும் வாகன ஓட்டிகள் வேண்டுகோள் விடுத்துள்ளனர்.மாநில நெடுஞ்சாலை துறையினர் மற்றும் பொதுப்பணித்துறையினர் எப்போதாவது ஒரு முறை இந்த சாலை விளக்குகளை சீர் செய்கிறார்கள். இரண்டு மூன்று நாட்களுக்குதான் விளக்குகள் எரியும். பிறகு அனைத்து விளக்குகளும் பழுதாகிவிடும். அவ்வப்போது எல் இ டி பல்பு பீஸ் போய்விட்டது என கணக்கு காண்பித்து ஆயிரக்கணக்கான ரூபாய் முறைகேடு செய்வதாக பொதுப்பணி துறையில் உள்ள ஒரு ஊழியர் மிகவும் வருத்தத்துடன் கூறினார்.எனவே இந்த சாலை விளக்குகள் மற்றும் மின் கம்பங்கள் என அனைத்தும் முழுமையாக ஆய்வு செய்து ,எங்கே பிரச்சனை ஏற்பட்டுள்ளது என கண்டறிந்து , நல்ல தரமான பல்புகளை பொருத்தினால் இந்த பிரச்சனைக்கு நிரந்தர தீர்வு காணலாம் எனவும் எனவே இதில் மாவட்ட ஆட்சியர் தலையிட்டு உரிய நடவடிக்கை எடுத்திட வேண்டுமென வாகன ஓட்டிகள் வேண்டுகோள் விடுக்கின்றனர்.

kanchipuramTimesXP TamilUpdated: 16 Jun 2023, 10:43 am