பருத்தி சாகுபடி கோடை கன மழையால் கடுமையாக பாதிக்கப்பட்டுள்ளது!

Name: பருத்தி சாகுபடி கோடை கன மழையால் கடுமையாக பாதிக்கப்பட்டுள்ளது!
Uploaded: 2023-05-09T11:58:19+05:30
Duration: 2 min 24 s
Channel: Palanikumar M

1050 views

Subscribe தமிழ்நாடு videos

Like
Comment
Share

திருவாரூர் மாவட்டத்தில் நெல்லுக்கு அடுத்தபடியாக அதிகமாக அதிக அளவில் பயிர் செய்யப்படும் முக்கிய பயிர் வகை பருத்தி ஆகும் இந்த ஆண்டு திருவாரூர் மாவட்டத்தில் சுமார் 70 ஆயிரம் ஏக்கருக்கு மேலாக பருத்தி சாகுபடி செய்யப்பட்டது கடந்த ஆண்டு பருத்தி விலை நல்ல விலைக்கு சென்றதால் விவசாயிகள் ஆர்வமாக பருத்தி பயிரிட்டு இருந்தார்கள்.கோடை காலத்தில் பருத்தி சாகுபடி ஒரு சிறந்த சாகுபடி ஆகும் மேலும் தொடர்ந்து நெல் விவசாயம் செய்து வந்தால் மண் வீணாகும் என்பதால் விவசாயிகள் மாற்று விவசாயமாக பருத்தியை மேற்கொள்வார்கள் பருத்தி மிக குறைந்த அளவு தண்ணீரை பயன்படுத்திக் கொள்ளும் ஒரு பயிர் வகையாகும் அதற்கு அதிக அளவு தண்ணீர் தேவையில்லை இந்த நிலையில் திருவாரூர் மாவட்டத்தில் கடந்த சில நாட்களாக பெய்த கனமழையின் காரணமாக மாவட்டம் முழுவதும் சுமார் 20 ஆயிரம் ஏக்கர் பரப்பளவில பருத்தி சாகுபடி செய்யப்பட்ட வயல்களில் தண்ணீர் தேங்கியுள்ளது. மேலும் மழை இருக்கும் என வானிலை ஆய்வு மையம் அறிவித்துள்ளதால் கடந்த ஆண்டு போல இந்த ஆண்டு மகசூல் இருக்காது எனவும் செலவு செய்த தொகையை ஆவது அரசாங்கம் நிவாரணமாக கொடுத்தால்தான் மேட்டூர் அணை திறக்கப்பட்டதும் நாங்கள் குருவை சாகுபடி செய்ய ஏதுவாக இருக்கும் என பருத்தி விவசாயிகள் அரசிடம் கோரிக்கை வைக்கிறார்கள்.மேலும் தொடர்ந்து ஐந்து நாட்களாக பெய்த மழையின் காரணமாக பருத்தி செடியில் நன்றாக பூத்து காய் வைக்கும் நேரத்தில் பூக்கள் கொட்டி விட்டதால் பருத்தி காய்கள் வைக்க முடியாத நிலை ஏற்பட்டுள்ளது.மேலும் சில இடங்களில் பருத்திச் செடியில் பூக்கள் பூத்து காய்கள் உருவாகி பருத்தி உருவாக கூடிய சூழ்நிலையில் காய்கள் கொட்டி பருத்தி கிடைக்காத சூழல் ஏற்பட்டுள்ளது.மேலும் இளம் செடியாக உள்ள பருத்தி செடிகள் நிறைந்த வயல்களில் தண்ணீர் தேங்கி இருப்பதால் மேலும் பருத்தி சாகுபடி கடுமையாக பாதிக்கப்பட்டுள்ளது குறிப்பாக தண்ணீர் தேங்கி இருப்பதால் வேர் அழுகல் நோய் ஏற்பட்டு பருத்தி செடிகள் சோர்ந்து இலைகள் மஞ்சள் நிறமாக மாறி முற்றிலும் மகசூல் இழப்பு ஏற்படும் நிலையில் உள்ளது.விவசாயிகள் ஏக்கர் ஒன்றுக்கு 30 ஆயிரம் ரூபாய் முதல் 35 ஆயிரம் ரூபாய் வரை செலவு செய்து பருத்தி சாகுபடியை மேற்கொண்டுள்ளார்கள் தற்போதைய சூழ்நிலையில் மகசூல் இழப்பு மட்டுமில்லாமல் போட்ட காசை எடுக்கக்கூட முடியாத சூழ்நிலையில் விவசாயிகள் உள்ளனர் ஆகவே அரசு உரிய கணக்கெடுப்பு நடத்தி பாதிக்கப்பட்ட பருத்தி விவசாயிகளுக்கு உரிய நிவாரணத்தை வழங்க வேண்டும் என விவசாயிகள் அரசுக்கு கோரிக்கை வைக்கிறார்கள்.திருவாரூர் மாவட்டத்தில் ஏற்கனவே கோடை விவசாயத்தில் எள் சாகுபடி 5000 ஏக்கர் முற்றிலுமாக பாதிக்கப்பட்ட நிலையில் தற்போது பருத்தி சாகுபடியும் பாதிக்கப்பட்டுள்ளது ஆகவே மண்ணை வளம் பெற செய்ய மாற்று விவசாயத்தை நாடி தற்போது கோடை மழையால் பாதிக்கப்பட்ட விவசாயிகளுக்கு நிவாரணம் கிடைக்க வேண்டும் என்பதை அனைவரின் எதிர்பார்ப்பாக உள்ளது.

tamilnaduTimesXP TamilUpdated: 9 May 2023, 11:58 am