கோவை லட்சுமி மில்ஸ் வளாகத்தில் இன்று லூலு மால் திறக்கப்பட்டது!
1469 views
Subscribe கோவை videosதமிழகத்தில் கோவை மாநகர் மிகவும் வளர்ச்சி அடைந்து வரும் முக்கிய மாவட்டமாக சென்னைக்கு அடுத்தபடியாக திகழ்ந்து வருகிறது. தொழில், கல்வி, மருத்துவம் என பலவற்றிலும் தனித்த சிறப்பை கொண்டுள்ளது. முதல் நிலை நகரங்களில் மட்டுமே இருந்த வந்த தகவல் தொழில்நுட்பம் (IT), இரண்டாம் நிலை நகரான கோவையிலும், பல முன்னணி ஐடி நிறுவனங்கள் தனது அலுவலகத்தை விரிவாக்கம் செய்துள்ளது. இதன் மூலம் அதிகப்படியான வேலை வாய்ப்பு பெருகி உள்ளது.கோவையின் சிறப்பாக பல அடையாளங்கள் தோன்றி விட்டன. அதில் இன்னொரு மகுடமாய் அமைந்துள்ளது லுலு மால் என அழைக்கப்படும் லுலு ஹைப்பர் மார்க்கெட் (lulu hypermarket).கோவையில் பல டிபார்ட்மெண்ட் ஸ்டோர்கள், மால்கள் என ஷாப்பிங் செய்வதற்கும், வீட்டிற்கு தேவையான பொருட்கள் வாங்குவதற்கும் பல இடங்கள் உள்ளன. ஆனால் அவை எல்லாவற்றையும் ஒரே இடத்தில் அடக்குவதாக இந்த ஹைப்பர் மார்க்கெட் அமைந்துள்ளது.ஐக்கிய அரபு எமிரேட்ஸை தலைமை இடமாக கொண்ட இந்த லுலு நிறுவனம் தமிழகத்தில் தனது வணிகத்தை கோவையில் தான் முதன் முதலாக தொடங்கியது. இந்தியாவில் திருவனந்தபுரம், கொச்சின், பெங்களூரு மற்றும் லக்னோ ஆகிய நகரங்களில் உள்ளது.தமிழக முதலமைச்சர் மு.க. ஸ்டாலின் கடந்த ஆண்டு மார்ச் மாதம் UAE., க்கு (ஐக்கிய அரபு எமிரேட்ஸ்) சுற்றுப்பயணம் சென்றிந்தார். அப்போது லுலு நிறுவனம் தமிழகத்தில் ரூபாய் 3500 கோடி முதலீட்டை செய்வதற்க்கான ஒப்பந்தம் செய்துள்ளது. அதன்படி தமிழகத்தில் சென்னை மற்றும் கோவையில் லுலு ஹைப்பர் மார்க்கெட் அமைய திட்டமிடப்பட்டது.இந்த நிலையில் தான் கோவையில் லுலு ஹைப்பர் மார்க்கெட் அமைவதற்கான பணிகள் கடந்த ஆண்டு துவங்கப்பட்டு தற்போது விறுவிறுப்பாக நடந்து முடிந்துள்ளது.கோவை அவிநாசி சாலையில் உள்ள லட்சுமி மில்ஸ் வளாகத்தில் தான் லுலு ஹைப்பர் மார்க்கெட் 1.20 லட்சம் சதுர அடியில் மிக பிரம்மாண்டமாக கட்டப்பட்டு உள்ளது.இதற்கான திறப்பு விழா நடைபெறும் என கோவை மக்கள் எதிர்பார்த்த தருணத்தில் தான் இன்று லூலூ மால் திறப்பு விழா நடைபெற்றது. இதில் சிறப்பு விருந்தினராக தொழில்துறை அமைச்சர் டி.ஆர்.பி ராஜா கலந்துகொண்டு திறந்து வைத்தார்.இதனுள் அனைத்து விதமான வீட்டு உபயோக பொருட்கள், உணவுகள், காய்கறிகள், என எதும் இல்லை என கூற முடியாத அளவிற்கு பொருட்கள் உள்ளன.இன்று மதியம் 2 மணி வரை விற்பனை தொடங்க உள்ளது..