அமைச்சர் செந்தில் பாலாஜிக்கு தொடர்புடைய இடங்களில் ஐ.டி ரெய்டு!கோவையில் அமைச்சர் செந்தில் பாலாஜிக்கு நெருக்கமானவர்கள் வீட்டில் வருமான வரித்துறையினர் சோதனை நடைபெற்று வருகிறது.தமிழ்நாடு மின்சாரம் மற்றும் மதுவிலக்கு ஆய தீர்வைத் துறை அமைச்சர் செந்தில் பாலாஜிக்கு சொந்தமான இல்லங்கள், அலுவலகங்கள் மற்றும் அவருக்கு நெருக்கமானவர்களின் இடங்களில் வருமானவரித்துறை அதிகாரிகள் சோதனை மேற்கொண்டு வருகின்றனர். தமிழகத்தில் சென்னை, கரூர், கோவை உள்ளிட்ட பல்வேறு இடங்களில் வருமான வரித்துறை சோதனை நடைபெற்று வருகிறது. அதன் ஒரு பகுதியாக கோவையிலும் வருமானவரித்துறை அதிகாரிகள் சோதனை மேற்கொண்டு வருகின்றனர். குறிப்பாக கோவை கோல்டு வின்ஸ் பகுதியில் உள்ள அமைச்சர் செந்தில் பாலாஜிக்கு நெருக்கமானவரான செந்தில் கார்த்திகேயன் என்பவரது இல்லத்தில் வருமானவரித்துறை அதிகாரிகள் சோதனை மேற்கொண்டு வருகின்றனர். செந்தில் கார்த்திகேயன் ரியல் எஸ்டேட் சம்பந்தமான தொழில் செய்து வருகிறார். அதேபோல கோவை விளாங்குறிச்சி பகுதியில் உள்ள முன்னாள் சட்டமன்ற உறுப்பினர் ஆறுகுட்டி வீட்டிலும் சோதனை நடைபெற்று வருகிறது.மேலும் இவர்கள் இருவரும் அண்மையில் அதிமுகவில் இருந்து விலகி திமுகவில் இணைந்தவர்கள் என்பது குறிப்பிடத்தக்கது.