"தளபதி மேல நம்பிக்கை இருக்கு" விஜய் வீட்டின் முன் கோரிக்கை! | We Have Faith In Thalapathy Vijayகாஞ்சிபுரம் அருகே ஐயங்கார்குளம் பகுதியை சேர்ந்தவர் சங்கர். இவர் அதே பகுதியில் பானிபூரி வியாபாரம் செய்து வருகிறார். சங்கரின் மனைவி பெயர் இந்திரா. இந்த தம்பதியினருக்கு தமிழ்ச்செல்வி என்ற மகள் உள்ளார்.தமிழ்ச்செல்வி காஞ்சிபுரத்தில் உள்ள பள்ளியில் பதினொன்றாம் வகுப்பு படித்து வருகிறார்.இந்நிலையில் நேற்று ஞாயிற்றுக்கிழமை விடுமுறை தினம் என்பதினால் சென்னை கிழக்கு கடற்கரை சாலைக்கு தனது குடும்பத்துடன் சங்கர் விடுமுறையை கொண்டாட சென்றுள்ளார்.அப்போது குடும்பத்தில் இருக்கும் அனைவரும் நடிகர் விஜய் ரசிகர் என்பதால்,சென்னை கிழக்கு கடற்கரை சாலையில் உள்ள நடிகர் விஜய் வீட்டிற்கு சென்றுள்ளனர். அப்பொழுது நடிகர் விஜய்யை எப்படியாவது பார்த்து விடலாம் என விஜய் வீட்டுற்கு சென்ற பொழுது மிகப்பெரிய கேட் ஒன்று பூட்டி இருந்துள்ளது.அங்கிருந்த சிசிடிவி கேமரா முன் தன்னை எப்படியாவது பார்க்க வருமாறு கெஞ்சி கொண்டிருந்துள்ளார் சங்கரின் மகள் தமிழ்ச்செல்வி,அப்போது தனது மகள் தமிழ்ச்செல்வி நடிகர் விஜய்யை பார்த்திட சிசிடிவி காமிரா முன்பு கெஞ்சி கொண்டிருந்ததை சங்கர் தனது செல்போனில் வீடியோ பதிவு செய்து சமூக வலைதளங்களில் அதனை பகிர்ந்துள்ளார்.சங்கர் சமூக வலைதளங்களில் பதிவு செய்த சம்பந்தப்பட்ட வீடியோவில், நடிகர் விஜய்யை பார்க்க வேண்டுமே, என்னை எப்படியாவது பார்க்க ஏற்பாடு செய்யுங்கள் என சிசிடிவி காட்சி முன்பு 11ம் வகுப்பு பள்ளி மாணவி தமிழ்ச்செல்வி அட்ரா சிட்டி செய்யும் காட்சிகள் பதிவாகியுள்ளது.மேலும் தனது மகளுடன் ஒரே ஒரு புகைப்படம் எடுக்க வேண்டுமென்று அவரது தந்தையும்,தாயும் கெஞ்சும் வீடியோவும் சமூக வலைதளங்களில் வைரல் ஆகி வருகிறது.